قلب من رماد💔
بقلمي عطر الياسمين🌸🖤
البارت31
_____________
أعظم النِعَم في الحياة راحةُ البال ؛ إن شعرت بها
فأنتَ تملِكُ كلَ شيئ ...
وليام شكسبير🌿
_____________
سناريا ...
- شنوووووو؟!!
ماما تحجين صدك؟!
- لعد هذا الموضوع بي شقى؟
- انتي ويا منو جنتي تحجين؟
- ويه بيبيتج
- و هي كالتلج؟
- اي تكول حجى لمرت خالج و هي جايه مسولفه لأمي و امي مكيفه من كل عقلها
- و انتي شنو بس لا موافقه؟!
- ياموافقه شبيج امي تحجين صدك!!
لا شهاده و لا وظيفه ؛ انتي وين و هو وين!!
- عبالي راح تقبلين جان شمرت نفسي من الجربايه
- هو حتى لو اني قبلت ابوج مايقبل بعدج ماكملتي
- زين شلون اخاف خالو يزعل
- هاي قسمه امي مابيها زعل و لو زعلو بكيفهم اني مااجامل احد على حساب بنتي
جريت نفس ارتاحيت ؛ بعدنا دنحجي انفتحت الباب و دخلت سابين
- السلام عليكم
- هلا حبيبتي و عليكم السلام ؛ من وكت اليوم!!
- اي جنت بالدوره مال السياقه ماداومت بالشركه
- و شلونج
- الحمدلله دا اتعلم بسرعه و نهاية الأسبوع الجاي اكو امتحان
- الله يوفقج حبيبتي
- تسلمين امي
- شبيكم شكله جان اكو موضوع و اني قطعته
- اي اختج جاييها ناس و جنا نحجي بالموضوع
- منو؟!
- ابن خالتهن لبنات خالج
- و هذا منين طلع بالله؟
حجيت :
- شافني بالعرس عشتو ؛ لج سابين فاتج المشهد فد واحد غثيث مايتكرر
- و انتي شنو رأيج؟
- ديلله بالله اكلها غثيث تكلي رأيج ؛ وكف سلم على امي دقيقتين ماجرعته تريد رأيي
- لهالدرجه؟!!
- و اكثر يمعوده خل يطير
حجت ماما :
- سناريا مايصير تاخذين غيبة احد كولي مااريد و خلص
- سكتت
دخلت للمطبخ و صاحت عليه :
- تعالي سوي الزلاطه
- اي ماما دقايق و جايه
التفتت على سابين :
- ورا الغدا اجي لغرفتج و اسولفلج
- هههههه اوك
اجه بابا و سيف و انجمعنا كلنا عالسفره و ماما فتحت الموضوع حتى يكون عدهم علم هي تسولف و بابا مدنك ياكل ما علق بأي كلمه بس اني مطمأنه اعرف مستحيل يرضى و حتى لو رضى مايجبرني على شي مااريده لهذا قلبي بارد
بقى يسمع و ويه مانطقت اخر جمله و ختمت الموضوع بابا رد بعدم اهتمام :
- ماكو قسمه باجر خابريهم و رديلهم الجواب
- اصلاً آني كطعتها من يمي بس امي لحت عليه
رفع عينه على ماما و ذب الخاشوكه من ايده و حجى :
- و امج خسرانه جير بسامير حتى تلح؟
تريدني اشمر بنتي هناك و اني كاعد هنا؟!!
بعدين ليش هي ماتعرف البنيه بعدها تدرس؟!
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
