قلب من رماد💔
بقلمي عطر الياسمين🌸🖤
البارت 37
______________
يسألوني و اكلهم بالبخت عفته
يجي الليل و يجن كلهن
ضحكتك
صورتك
و انته
______________
سابين ...
الوضع المتكهرب بيني و بين كرم تعبني هسه بديت اميل اله صدمني بقساوته ليش كل ما افرح ينكسر قلبي هيج معقوله هوايه عليه الفرحه؟!!
تعبت و فكرت ارتاح يوم او يومين اكعد بالبيت و تحججت بيحيى و على اساس دا اساعد ماما و ابقى يمه لأن سيف اخذ اروى و طلعو يصيفون هي ماطالعه هنا خطيه من الحمل للولاده و يادوب كل صيف تروح لأهلها و ترجع
سناريا آخر ايامها بهاي السنه الدراسيه محتاره بتحضيرات حفلة التخرج اجتي تتوسل بيه نطلع للمول تشتري غراض
ماالي واهس اطلع بس ماردت اكسر بخاطرها اخذتها و طلعنه للمول جنا نمشي و مرو من يمنه اثنين مبينين عرسان
باوعت عليهم و دعيت الله يسعدهم ؛ سألت نفسي هاي كل الناس ماعدها حظ بالحب لو بس اني؟!!
فززني من صفنتي صوت سناريا تحجي ويايه :
- سابين شنو رأيج بهذا الكوت؟
- هسه انتي دتشترين صيفي لو شتوي اكو وحده صاحيه تشتري كوت هالثخن بهالحر؟!!
- اني جايه اخذ صيفي بس هاي البضاعه الشتويه مسوين عليهه تنزيلات لأن خلص الموسم
- بكيفج هو حلو
رجعت تكلب و تفتر على كيفها و اني مليت :
- يلله سناريا تأخرنا و اشتريتي هوايه
- يلله خلص اجيت
رجعنا للبيت و ثاني يوم داومت و بدت سناريا بأمتحاناتها آخر يوم امتحان الها رجعت للبيت توقعت راح اشوفها بالمطبخ تسوي كيك لو معجنات هاي عادتها من تخلص امتحانات تجيهه طاقه و نشاط
دورت عليهه ماما كالت بغرفتهه نايمه ؛ فتحت الباب و دخلت لكيتهه كاعده تبجي :
- شبيج حبيبتي شنو ماجاوبتي بالأمتحان؟
- لا جاوبت
- لعد ليش تبجين؟
- ماكو شي بس بعد مااشوف صديقاتي
باوعتلها بشك :
- و على هاي تبجين؟
- اي
- سناريا مو عليه احجيلي حبيبتي شبيج؟
حطت ايدها على وجهها و بجت بشهكه حضنتها و حجيت :
- شبيج حبيبتي؟
احجيلي شصاير وياج؟
حجتلي اللي صار بينها و بين بشار و اني ساكته اسمع من كملت حجيت :
- سناريا انتي تحبي؟
- اي و هوايه
- بس تصرفج مو تصرف وحده تحب
- يعني شتريدين اسوي؟
- اسمعي تناقشي ويا اطرحي وجهة نظرج و هو هم اسمعي منه
- هو مقرر و حاسم امره و مامخليني بحساباته
- لو مامخليج بحساباته جان ما اجه يكلج بس هو توقع راح تفرحين هيج و ديفاجأج
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
