قلب من رماد

البارت 20

قلب من رماد💔

بقلمي عطر الياسمين🌸🖤

البارت20

_____________

أسوأ خيبة امل في حياة الأنسان هي اللحظه التي يكتشف فيها فشل اختياره الذي اختاره من بين كل الأختيارات ؛ لذلك احسنو الأختيار ..
فلا ندم بعد فوات الأوان🍂

_____________

سيف ...

- صباح الخير يوم شلون صرتي اليوم
- هلا حبيبي صباح النور الحمدلله احسن اشو نازل من وكت اليوم
- مهزوم من حفيدج و جنتج الليل كله يتصارعون فوك راسي هي تبجي تريده ينام و هو يبجي مدري شيريد هههههههههه الله وكيلج شويه و انزل افرش يمكم و انام

- اي ليش لا تخلف و تعوفها حايره بأبنك و تنام يمي و عالحاضر يصيحلك بابا

- ليش بالله عالحاضر مو دا اشتريله حفاضات ههههههه
- ليش هي الابوه بس حفاضات؟!
هنيالج سميه اي والله حجت و هزت ايدها

- اي ليش لعد مو هنيالج يحصللكم ولد مثلي
- هههههههه حبيبي الله يحفظك و يبرد قلبي عليكم انته و خواتك

باس ايدها :
- آمين امي بدعواتج صوتج بالبيت وحده نعمه صارلج كم يوم فلاونزا و نايمه البيت عبالك مابي روح هسه يلله احتيا بصوتج انتي و ابويه

- حبيبي ؛ اكلك يوم انته رايح للمكتب؟
- اي يمه لعد وين اروح؟!
- مُر على اختك بطريقك صارلها كم يوم ماكو مو عوايدها و دا اخابرها تليفونها مغلق

- اروى كالت هي مسولفتلها يمكن يطلعون سفره كم يوم هي و اسامه يغيرون جو اخاف طالعه

- لو طالعه جان اجتي قبل مايطلعون و نطتني خبر ماتعوفني هيج

- بسيطه تدللين اسهل منها ماكو هسه قبل مااروح للمكتب امر عليها و اذا تريدين اجيبلجياهه هم اجيبها بعد تأمريني بشي؟!

- حبيبي مايأمر عليك عبد
- يلله في امان الله
- ما تتريك؟!
- هناك ويه الولد عود اكل انتي مالج خلك و سناريا بالدوام و اروى نايمه

- تعال اسويلك بيه حيل
- ضمي الحيل يفيدج عندي ايد و اعرف ادبر نفسي يلله في امان الله
- بحفظ الله يوم ؛ لا تنسى اختك سيف

جاوبها و هو ماشي :
- بعيني يوم اشوفها و اخابرج لو اخليها تخابرج

سد الباب و طلع ...

_______________

سابين ...

فتحت الباب و شفته كدامي شهكت ابجي و شمرت نفسي بحضنه :
- سيييف اريدك سيف محتاجتك

حضني مصدوم من شكلي عيوني مورمه مدري من البجي مدري من الحراره المرتفعه شبكني قوي و هو يسأل :
- شبيج حبيبتي شصاير؟
منو وياج احجي؟
اسامه بي شي؟
تعاركتو؟
لج احجي وكعتي قلبي