قلب من رماد💔
بقلمي عطر الياسمين🌸🖤
البارت 8
.
.
.
___________________
اجمل حب هو الذي نعثر عليه اثناء بحثنا
عن شي آخر🥀
احلام مستغانمي🍃
_____________________
سناريا..
بدا الدوام هالسنه آني بالجامعه متحمسه كلش و بنفس الوقت خايفه مجتمع جديد اخاف اخجل اندمج ويا زملائي
جامعتي كبيره و تضم طلاب من مختلف الجنسيات عرب و اجانب و اكو بعض زملائي اللي كانو ويايه بالثانويه هم انقبلو بنفس جامعتي
و هي نفسها جامعة سابين بس مسافه كبيره بين كليتي و كليتها هي تدرس اداره و اني هندسة برامجيات
كلش حابه قسمي و متحمسه طلعت اشتريت ملابس للدوام ويه اروى و سابين و مجهزه كل شي باجر اول يوم اداوم
- سيف راح تجي ويايه مثل سابين بأول يوم مو؟
- انتي تريديني اجي بكيفج
- اي اريد متوتره و خايفه و استحي اخاف مااندل مكاني
حجت سابين :
- اشهدو ياناس سناريا متوتره و خايفه ههههههه
- عابت لعد شبيه غير مكان جديد و زملائي مااعرفهم
رد سيف :
- ماشي تدللين اوصلج اني باجر ، هو اني ابتليت بيكم شسوي هههههه
دخلت ماما و كالت :
- اشو انتي ليهسه كاعده يلله باجر مو وراج مدرسه كومي نامي
فتحت عيوني و كتلهه :
- جامعه ماما جامعه ترى كبرت و صرت طالبه جامعيه شبيكم ويايه انتي و بابا شنو مامصدكين؟!
تعالو ويايه باجر حتى تصدكون
سابين - حقهم هو انتي وصلتي للجامعه و بعدج نفس خبالاتج هههههههه
سيف - ههههههههه على كيفج طيرتي الجبهه
سميه - اسفه اسحب كلمتي ست سناريا جامعه المهم نامي من وكت حتى تكعدين مصحصحه
- ماشي يلله لاتطردين رايحه انام
سميه - شوفو لسانها بالله انتي راح تصيرين مهندسه!
ضحكو كلهم مشيت و رجعت :
- عفيه سابين اروى تعالو شوفو ويايه الملابس اللي حضرتهن لباجر
سابين - كافي تكلبين بيهن عشر مرات حضرتيهن يامطلعتهن من الكنتور يامرجعتهن بالتعلاكه حيتزرفن
اروى - مدا تحضر ملابس دتحضر ارواح هههههههه
- عابتلكم اي والله ؛ الله لايعوزني عليكم اروح احضرهن وحدي احسن
مشيت و اسمع صوتهم يضحكون و اني من توتري من باجر مدا اعرف شنو اسوي و شنو البس
صدك الف مره اطلع الملابس و ارجعهن ساعه اغير الشال و ساعه اغير الجنطه و احس اكو شي غلط بس شنو مدا اعرف
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
