قلب من رماد
بقلمي عطر الياسمين🌸
البارت3
؛؛؛؛؛؛؛؛؛؛؛؛؛؛؛؛
بينما كان هو يتداوى منها
كانت هي في انتظاره تمرض به
احلام مستغانمي🍃
_____________________
حاولنه نتأقلم ويا التغيير اللي دخل حياتنا و نرتب كل شي خلال فتره بسيطه بعد وصولنه بأسبوعين اتصل عمي على ابويه...
يوسف- هلا ابو غضنفر شلونك يابه شلون الأهل ان شاءالله بخير؟
ابو غضنفر- الحمدلله الكل بخير و بالنه يمكم بشرني ارتاحيتو استقريتو؟
يوسف- الحمدلله استقرينا و سيف و البنات راح ادخلهم كورس لغه البنات يحتاجو ضروري حتى يكملون دراسه هاي السنه ان شاءالله و سيف حتى يساعدني بالشغل ضروري يتعلم
ابو غضنفر- ياالله ؛ يارب يسهل اموركم
يوسف- آمين يالغالي تسلم ؛ كلي شنو اخبار الموضوع اللي حاجيتك بي علمود سيف و اروى ما رديتلي جواب؟؟
ابو غضنفر- و آني اليوم اتصالي بيك حتى اردلكم الجواب ؛ احنه موافقين وين نلكه نسيب احسن من سيوفي شهاده و تربيه و بنتي تطلع من بيت ابوهه و امها تروح يم ابوهه و امها اعرفكم انته و ام سيف شكد تحبون بناتي و متأكد راح تعيش وياكم مثل ما عايشه ويانه
يوسف- والله ماكلت غير الصحيح ياخويه هي هم بنيتنا و إن شاءالله مانقصر وياهه و شتأمرون احنه حاضرين من هالعين قبل هالعين..
ابو غضنفر- بس ابو سيف آني عندي طلب منك
- أأمرني خويه عيوني الك
- لا العفو سالمه عيونك يابه ؛ احنه وافقنا بس مايصير اي شي هسه إلا البنيه تكمل دراستها و تلزم شهادتها و هذاك الوكت تاخذوهه من عيوني بس هسه مستحيل انطيهه و لو ما انتو عزاز عندي و مااكدر اردكم مستحيل اسمح ينفتح كدامها هيج موضوع بهالفتره لأن تعرف بعدهه تدرس و وراهه سادس مااريد شي يشغل تفكيرها للبنيه
- اكيد ابو غضنفر لاتشيل هم اصلاً آني مااقبلها تعوف دراستها هذا مستقبلها ؛ و احنه لو ما شغلة السفر مانفتح الموضوع هسه جنت ناوي اأجله لحد ماتكمل اروى بس تدري صار سفرنا بسرعه و شفت ابني هاويهه خفت تنخطب و تروح منه و ابني ينكسر قلبه
- بس ابو سيف ترى حتى خطبه هم ماكو ولا حتى قراية فاتحه ؛ مااريد ينفتحلهم باب يتصل بيهه و تليفونات و هالأمور اقلها هاي السنه ؛ آني مجرد نطيتكم كلمه هي لسيف مو اكثر
- مثل ماتريد يجرالك كلامك صحيح ؛ و احنه هم بعدنه لازم نرتب امورنا و نشتغل و هذاك الوكت يلله نكدر نزوجهم
- تمام لعد متفقين على بركة الله
- هلا ابو غضنفر سلملي هوايه عالأهل و ام سيف تسلم عليكم
-و عليكم السلام يوصل هلا ابو سيف
أنت تقرأ
قلب من رماد
Romantizmقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
