قلب من رماد💔
بقلمي عطر الياسمين🌸🖤
البارت 40
النهايه
________________
هو العراق
أُحبُهُ منذ التكوين و حتى القيامه ؛ بأفراحه و اتراحه
أعشقُ أرضهُ
و سماءهُ
و نهريه
هو الحبيبُ الأزلي الذي اعيشُ معهُ قِصةَ حبٍ لا تخلو فصولُها من الملهاةِ و المأساة
فتارةً نُغني معاً و تارةً أُخرى نتسامرُ كعاشقين تمردا على قوانين البشريه ليفرِضا حُبَهُما الأسطوري
فمِثلما كانَ كلكامش في ملحمتِهِ نصفُ إنسانٍ و نصفُ إله ؛ فأَنا نِصفُ إنسان و نِصفُ وطن💓
اقتباس من كتاب" بغداد كما عشقتها "
للكاتب ابراهيم الأفندي
________________
سابين ...
تفاجأت بي يدخل عليه من شفته شهكت و ركضت عليه حضنته مثل طفله شافت ابوها
حضني حيل و رفعني من الكاع شابكني و يضحك و يكول :
- اوووف شكد اشتاقيتلج
- و اني هم ؛ بعد لا تعوفني
- ابد مستحيل
- شوكت وصلت؟
- هسه
- يعني اجيت رأساً لهنا
نزلني بالكاع و هز راسه
- اي
نظراته تتنقل على ملامحي و حجى :
- ليش عيونج مدمعه؟
- مشتاقتلك و فرحانه بشوفتك
- كم مره اكلج دموعج تحرك قلبي
- اسم الله على قلبك
- محضرلج مفاجأه
- شنو؟!
- حنسافر اني وياج ورا عقد وتين و فراس
- وين؟
- نسوي عرسنا لأن خلص كل شي صار جاهز
صفنت بوجهه عاكده حواجبي اريد افسر كلامه و سألت :
- شنو قصدك مدا افتهم؟
ليش عرسنا وين ناوي تسوي؟
او احنا اصلاً راح نسوي عرس؟!
- اي طبعاً نسوي لعد شلون اخذج من بيت اهلج سكتاوي؟!
- اااا قصدي ما حجينه بهالموضوع
- لأن شي منتهين منه
ماجنت اريد عرس اخاف من حجي الناس و الأنتقادات الجارحه بس مااكدر اصير انانيه و احرمه هو هاي اول فرحته و اهله من حقهم يفرحون بي
و هو من يتفحص عيوني و ملامحي عبالك يقرا افكاري :
- سابين ترى اللي يمشي ورا حجي الناس يضيع معلينه بأحد لا ماخذين من جيب احد ولا ضارين بشر حياتنا نعيشها مثل مانريد احنه مو على مزاج احد
احنه عرسان و من حقنه نلبس و نفرح و نسوي كل اللي بنفسنا صح لو اني غلطان؟
- حشاك من الغلط حبيبي
- بس المفاجأه مو هنا المفاجأه بالمكان اللي راح نسوي بي عرسنا
- ليش وين حنسوي؟!
- فكري انتي وين يعجبج؟
- ماكو ببالي مكان معين
- ولا حتى بغداد؟
كالها و باوع بوجهي مبتسم و اني احس قلبي رجف من ذكر اسم بغداد مشتاقه لهواها و صار سنين مااقبل اروح و من اروح اسوي عرس؟!!
أنت تقرأ
قلب من رماد
Любовные романыقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
