قلب من رماد

تكملة النهايه

قلب من رماد💔

بقلمي عطر الياسمين🌸🖤

النهايه

_______________

انا بنتُ الرافدين
احمِلُ إسمَهُ و صفاته فأنا
عذبه بعذوبة فراته
معطائةٌ كدِجلَته
شامخه كما نخيله
قويه بقوة المصاعب التي مرت عليه
على مَرّ الأزمان
و عنيدةٌ ايضاً كما يعاند لأجل حريته
انا الأُنثى التي تعلمت
كيف يولد الأمل من رحمِ الآلم
ليُزهِرَ في قلبها الربيع
و يطرد انقاض الماضي
حتى يغدو كالرماد

#خاطره بقلمي
عطر الياسمين

_______________________

سابين ...

بعد طلعه و مشي و عشا بره جانت لمه حلوه اهلي كلهم و سناريا و بشار رجعنا و اني هلكانه تعب بحيث نمت بالسياره و كرم يضحك عليه

بس كعدت الصبح بكامل نشاطي و حيويتي اسوي ريوك و ارتب السفره ؛ اليوم الريوك مميز لأن عطله

واكفه بالمطبخ و اجه حبيبي لأن متعودين نوكف بالمطبخ سوه يشاركني بكل شي

- صباح الخير حبيبي ؛ هاي شوكت كعدتي؟
- قبل ساعه تقريباً
- خيانه واكفه تسوين الريوك وحدج؟!
- هههههه شفتك نايم مانطاني قلبي اكعدك

- الصمون اللي عدنا يكفي لو انزل اجيب بعد؟
- لا يكفي لا تنزل
- اشو بس اجبان مسويه؟
- لعد شنو تريد بعد؟
- راح اجيب الطاوه و اجي الريوك اذا مو بيض عيون مايتسمى ريوك

بعده مامكمل الجمله عفته و طلعت من المطبخ و هو خطيه صافن مايدري شنو الموضوع

و حتى اني ماادري شصار بيه من سمعت سيرة البيض ركضت للحمام احس معدتي انعصرت

فتح الباب و اني اغسل بوجهي و هو صافن و عيونه مفتوحه بدهشه

- حبيبي شبيج؟!
- كرم بعد لا تجيب سيرة الهذا كدامي

- شنو الهذا؟!
قصدج البيض؟

لزمت معدتي و صحت :
- اسكت عفيه

يباوعلي و حواجبه معكوده متعجب اجه غسل وجهي بأيده حسيت نفسي صرت احسن

- اشيلج؟
- لا مابيه شي
- يامابيج شي شوفي وجهج صار نوميه !!
لو ادري ما حاجي

مشيت ويا و مدا افهم شنو الموضوع بلحظه انكلب حالي 180 درجه وصلني للفراش مددني و غطاني و يمسح على وجهي بأيده و يتأمل ملامحي بقلق