قلب من رماد💔
بقلمي عطر الياسمين🌸🖤
البارت21
_____________
شفت كل شي ...
شفت ذيب بوجه انسان
و شفت طير و يحب سجان
و شفت اثنين واحد يكره الثاني
و طلعو بالنهايه اخوان
شفت دللها بس خانت
و شفت جوعها بس صانت
شفت شايب طفل مسجون
و شفت عشره بسهوله تهون💔
_______________
يوسف ...
- اسمعيني سميه انتي و ابنج الموضوع ينسد نهائياً و محد يفتحه و يحجي بي بالبيت ابد ؛ بنتج تعبانه و اخاف يصير بيها شي اني منو يفيدني
هزت راسها :
- و رأيي من رأيك بعد محد يجيب سيره عن اللي صار و محد ينطق اسمه كدامها كافي اللي صار بسببه ؛ حسبي الله عليه دمرها للبنيه
سيف ما عجبه الحجي :
- يعني شنو؟
هاهيه راح نكعد و نسكت
- لا شنو نكعد و نسكت هسه تنام سابين و اصعد فوك اخابر امه و الله لألعب بيهه طوبه شنو قشمرونه
- ماتخابرين احد سميه ماالنه حجي ويه امه ؛ هي هم مشتركه ويا بنفس الفعل مو اجتي هي و ولدها بالخطبه ؛ عوفو الموضوع عليه آني اتصرف
- شنو راح تسوي يابه بس فهمني و برد قلبي ؛ ترى راح اتخبل اشو انته عندك الموضوع كلش طبيعي!!!
- منو كال هيج ابني؟!
ترى مو سهله عليه بنتي اللي جنها ورده ترجعلي مكسوره هالكسره ؛ بس اريد احلها بهدوء خوما نتعارك و نفرج العالم علينه؟!
هسه اللي يسمع يكلك اهاا هذا السبب اللي خلا يطلكها اهلها اهل مشاكل و الله اليعلم شمسويه بي هي وياهم
- زين لعد شنو الحل؟
- نخابر عمامك يروحون لأهله شوف منو جبيرهم و يروحون يدكون بابهم و يكعدو يابه ابنكم سوه كذا كذا تقبلوها
- و شنحصل؟!!
- نحصل رد اعتبار بنتنا اللي لعب عليها و وصلها لهالحال و دار ظهره و ماحسب اكو وراهه احد عباله خلصت هاهيه
- يوسف يعني شنو تريد تاخذ فصل؟!
- سميه ليش آني ادور هالسوالف لو اعترف بيها اصلاً ؛ بس كسرة بنتي الها حوبه و اني راح اطلعها من عينه
جر نفس و هو يباوع لسيف صفح
- آني اصلاً مفكر اني اللي اروح و الم اخواني اخذهم و اروح احجي بس ابنج الله يسلمه شيسكته و هم اريد اطمأن على سابين اشوفها توكف لحيلها بلكت هاليومين
انفتح باب الشقه و دخلت سناريا :
- هلو ياقوم السلام عليكم بيت ابو سيف شلونكم
-اشششششش انتي ماتعرفين تسكتين تنصين صوتج
- ليش شكو منو اهنا؟
- اكلها نصي صوتج
- اي شبيج ماما شحجيت محسستني دا اصيح بسماعة الجامع
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
