قلب من رماد💔
بقمي عطر الياسمين🌸🖤
البارت29
________________
ما النسيان سوى قلب صفحة من كتاب العمر.. قد يبدو الأمر سهلا، لكن ما دمت لا تستطيع اقتلاعها ستظل تعثر عليها بين كل فصل من فصول حياتك
أحلام مستغانمي🌱
________________
سابين ...
- اللي دتسوي غلط
مسحت دموعي و التفتت ورايه اشوف منو :
- كرم؟!!
شنو قصدك؟!
اتقدم و اجه كعد على صخره قريبه عليه
- تبينين نفسج زينه و انتي مو زينه غلط ؛ هيج تأذين نفسج
بعدت نظري عنه و رديت :
- متوهم
- متأكده؟
- طبعاً
- لعد ليش تكوليها و تتهربين بنظراتج مني؟
جريت حسره ساكته و هو حجى :
- الكتمان الزايد نتيجته تكون سلبيه على صحتج ؛ حسيت بيج تعبانه و ردتج تعوفين اللي بأيدج و تختلين بنفسج و ترتاحين ليش رفضتي؟
- مااريد ابجي
- ليش؟!
- بجيت هوايه
- البجي مو غلط هاي نعمه من رب العالمين ننفس بيها عن اللي بداخلنا
- اللي بداخلي مايكفي دموع ؛ لو ابجي منا لبعد سنه ماتطفى نار قلبي
- جنتي طبيعيه شغيرج فجأءه؟!
دخلت عليج تشتغلين اعتيادي و فجأءه حسيتج مثل اللي تذكرتي شي
- .........
حاولت استفزها حتى تطلع اللي بداخلها و ترتاح مااريدها تبقى كاتمه بقلبها ؛ وجهت نظري للأمام و اني كاعد قريب منهه تبعد عني مسافه نص متر تقريباً
و حجيت :
- تذكرتي؟
فتحت عيونها مصدومه و التفتت تباوعلي وجهت نظري الهه بحركه بارده عكس الغيره اللي تشتعل بقلبي و اني اشوفها تتذكره و تبجي
سألت :
- منو قصدك؟!!
- اللي مبجيج
التفت للجهه الثانيه بعصبيه و ردت :
- محد مبجيني متوهم
هزيت راسي بنفي :
- ابد مامتوهم ؛ و متأكد هو سبب دموعج هاي
- .........
استفزيتها اكثر :
- بعدج تحبي؟!
رجعت باوعتلي مصدومه بعدين حجت :
- انته تعرف؟
- بشنو؟
- بقصتي
هزيت راسي :
- اي ؛ اعرف
- منين عرفت؟
- مو مهم منين عرفت المهم جواب سؤالي
- لا تتدخل بخصوصياتي
حجتهه و بعدت نظراتها عني
- آسف مو هيج قصدي
وكفت اريد اروح مااريد اضغط عليها اكثر و شكلها ماتفتح قلبها بسهوله
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
