قلب من رماد💔
بقلمي عطر الياسمين🌸🖤
البارت 33
_______________
ما تجمعَهُ الأحلام ؛ تُفرقَهُ اليقظه
جبران خليل جبران
______________
كرم ...
- ترى انته قبل لا تحاجيهه جنت متوقعها ما تتقبل الفكره مو صح؟
- صح
- لعد شبيك كالبهه كآبه ماتكلي؟
- فرق جبير بين ان تتوقع شي و بين تشوفه كدامك ؛ بين التفكير و بين الواقع الملموس
- يعني شنو هسه استسلمت؟
- بالعكس زدت اصرار اكثر من قبل بهوايه
- هذا صاحبي الأعرفه ؛ بس كلي شلون راح تتصرف وياهه؟
- كل شي بوكته فراس ؛ مااريد اضغط عليهه زياده و اخنكها هي اول حجايه كالتها اذا ماتنسى و تشيلني من بالك اترك الشغل
- لهالدرجه!!!
هزيت راسي :
- اي
- الله يعينك يا صاحبي شكله مشوارك طويل
_______________
سناريا ...
رجعت ايام الدراسه و رجعت وياهه نظراته اللي اشتاقيتلها ؛ كلش احب اشوفه شلون يتلهف على شوفتي و يوكف من بعيد و يصفن بيه كأنه ديرسمني
كاعده وحدي بالحديقه صديقاتي بعدهن ما جايات فجأه حسيت شخص كعد قريب مني ؛اتوقعتها ندى رفعت راسي شفته بشار
فتحت عيني متفاجأه بوجوده و هو يباوعلي بأبتسامه
- بشار هاي انته عبالي البنات
- ماكو صباح الخير؟
- صباح الخير
- احلى شي بهالصباح شوفة عيونج ؛ تدرين من يدك المنبه اكعد من نومي بكسل اكول اهووو بعدني مانمت و من اتذكر راح اشوفج يفز قلبي و اكوم اركض
ابتسمت و نصيت راسي اقرا بالكتاب اللي بأيدي و هو يسولف بعدين حجيت :
- اشو اخذك الواهس كاعد و تسولف شوكت تكوم؟
- افااا تطرديني؟!!
- اااا لا لا آسفه مو قصدي هيج بس يعني هذا مو اتفاقنه
ضحك و رد :
- شبيج دا اتشاقه ؛ اعرف اني نطيتج كلمه و لاتنكرين ملتزم بيهه بس صدكيني مرات اضعف و مو بأيدي
- اعرف بس مابقى شي ان شاءالله هانت
- سناريا صبريني بكلمه حلوه
- لا عفيه كوم روح صديقاتي على جيه
- لا تصيرين بخيله
- شنو تريد؟!!
- كل مااتقرب من يمج مااسمع منج غير كلمة عفيه روح معقوله ماتشتاقيلي مثل مااشتاقلج ماعندج لهفه عليه؟!!!
حتى لو المحها بعيونج رأساً تتهربين بنظراتج مني!!
- ليش هيج تكول؟!!
بالعكس اني مشاعري تجاهك مو اقل من مشاعرك بس صدكني اهلي يوكفون بعيني ؛ ان شاءالله تتعرف عليهم و هذاك الوقت راح تنطيني الحق متأكده
أنت تقرأ
قلب من رماد
Romansaقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
