قلب من رماد

البارت28

قلب من رماد💔

بقلمي عطر الياسمين🌸🖤

البارت28

_______________

يا فكة عيون القلب
ياميزتي البيهه انغر

مو رايدك و انتفسك
لا يانفس شي اكبر

_______________
سابين ...

واكفه اطبخ غدا باجر الي و لبابا ؛ ماما سافرت لبغداد هي و سيف و سناريا و اروى و يويو

صرت انظف و اطبخ بالليل حتى من نرجع من الشغل بس احمي الأكل

دخل يمي بابا و اني اشتغل :
- ها يابه تحتاجين شي؟
- لا بابا سلامتك كل شي مااريد ؛ انته يعجبك اسويلك شي جاي عصير؟
- خلصي و نشرب جاي سوه كاعد بالصاله وحدي ضجت من الهدوء و اجيت اكعد يمج

- اي والله اني هم مثلك ضجت من الهدوء مكانهم خالي حيل
- يرجعون بالسلامه ان شاءالله
- ان شاءالله
- اي يابه احجيلي

التفتت مبتسمه :
- شنو؟!
- شلونه الشغل وياج؟
مرتاحه؟
كرم شلونه بالشغل؟
اني مامشتغل ويا بس ابو و هشام اعرفهم حقانيين و يخافون الله

- اي و هو هم هيج كلش حريص على شغله و شايفته بالأستلام و التسليم يوكف فوك راس العمال و يفحص كل شي بنفسه رغم اكو فريق فحص بس تفاجأت بخبرته

- همه ولد ابو هشام سباع و خوش ولد هشام هم هيج بس كرم اكثر جرأه ؛ و انتي مرتاحه بالشغل؟

- اي بابا كلش مرتاحه احس نفسي صرت وحده ثانيه ؛ انولدت من جديد .. حلو احساس انك تسوي شي مفيد بحياتك و تحس انك قضيت يومك بعمل نافع الك و لغيرك و ماتكون عايش مجرد رقم بهاي الحياة

ابتسم و هز راسه موافق :
- صح ؛ الله يوفقج يابنتي
- و يحفظك الي حبيبي

- اشو كابلتيني و كعدتي؟!
- لعد شأسوي نصيت الجدور تتهدر و اطفيها
- و الجاي؟

ضربت على كصتي
- نسيته هسه اكوم اسوي

ضحك عليه و رديت :
- كله منك تسألني و خليتني اندمج بالسوالف و انسى

- و صديقتج شلونها بالشغل مرتاحه؟
- نص و نص

عكد حواجبه و سألني :
- ليش؟!!
- هي و فراس مثل توم و جيري لا يعجبه شغلها و لا يعجبها شغله
- و هو فراس وين و هي وين شجاب شغله على شغلها هي محاسبه و هو على فحص الأجهزه

- مره من جانت بعده الشركه ببدايتها و موظفين قليلين عود ديساعدها و غلط بالحساب و شمر الغلط براسها و تعارك وياها و من عدها بعد مااتصافو

- فراس مامبين عليه هيج عصبي شكد هادئ و مؤدب
- اي هو مؤدب بس اذا احد خربط عليه شغله بسرعه يتحول غير شخص

شربنا الجاي سوه و بقينا نسولف الى ان بردت الجدور شويه حطيتهن بالثلاجه و طفينه كل شي و دخلنا ننام