قلب من رماد💔
بقلمي عطر الياسمين🌸🖤
البارت27
_______________
مابيه نقص خاطر تكملني
بس مرات احسك منثلم مني
بشر بس عازتك عزة هوى الله و ماي
كم مره نويت انساك بس فنّي
________________
سناريا ...
- الو
- هلا بالناسيتني ؛ هيج العطله مخليتج تنسين صديقاتج!!
- مشتاقتلج حب
- اي كلش بحيث صار اسبوع ما ذاكرتني
- مو انشغلت شويه و عدنا خطار
- المهم كوليلي شنو راح تسوين ويه بشار؟
- والله ندى مااعرف ؛ انتي شتكولين؟
- آني اكول؟!!
ليش هو خطبني الي؟!
- الصمي حلكج سألتج على رأيج حتى تنصحيني لا تجفصين
- ههههههههههههاااي عزه شوف الغيره و كاعده تنتظر رأيي يايمه متت ؛ رحم الله والديج سناريا صار شكد ماضاحكه هيج ههههههههه
- على شنو تضحكين ترى مااقصد شي
- هههههههههههه ادري ادري لا تحلفين مصدكتج
- دكافي كافي لاتموتين و ابتلي ؛ تافهه
- هههههههه بربج اني تافهه لو انتي اللي مسويه نفسج ثكيله و انتي هذيييج هيه مبينه رايدته بس مستحيه
- يعني هو خوش ولد و اني ماشايفه عليه شي ؛ بس متردده
- ليش متردده؟
- ماادري اكيد اني مو كل شي اعرف عنه لأن ماكو بيننا ميانه
- سناريا ترى الولد ذهب ؛ همه اصلاً هذوله الثلاثي كلهم خوش ولد مؤدبين و كل همهم دراستهم ؛ و هو اجه حجى وياج بكل ادب و وافق على كل شروطج بعد ليش متردده
- ندى اني اشوفه على كد الدوام هو صح بالجامعه ثكيل و مؤدب بس بره شلون؟
- مو كلج ارجع من الجامعه اشتغل بمطعم
- مااعرف ندى حايره
- حبيبتي برأيي وافقي هسه و ابقي على شروطج ماتكعدين ويا وحدكم و لا تنطي مجال يتصل و يحجي وياج تبقى العلاقه من بعيد لبعيد مجرد يعرف انه اكو قبول منج لحد التخرج ؛ عاد ذاك الوكت يجي يخطبج من اهلج و همه يسألون عليه و نشوف
- ماادري
- انتي بكيفج بعد الموضوع راجعلج
سديته وياهه و بقيت صافنه افكر بكلامها فززني من صفنتي صوت سما :
- هاا اشو صفنا اجيت يمج ضايجه ضوجتيني بالزايد شبيج ماتكليلي؟
- حايره سما انصحيني
- صديقتج شكالتلج؟
حجيتلها اللي كالته ندى ردت :
- اي خوش حجي
- اخاف سما اخاف اتأمل بي و بعدين انصدم
- لا ان شاءالله ماتنصدمين ؛ انتي مو كلتيلي اروى نصحتج بالأ ستخاره صليتي؟
- اووو كم مره صليتها
- و شنو حسيتي
- اني هم احبه سما بس من اتذكر اللي صار ويه سابين اخاف
- مو كل اصابعج سوه و دام انتي هم معجبه بي و حابته خلص انطي فرصه و شوفي بس لا تعلمي تتنازلين ابد
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
