قلب من رماد

البارت 12

قلب من رماد💔

بقلمي عطر الياسمين🌸🖤

البارت12

____________________

تزوجي رجلاً
اذا حاورتِهِ وجدتهِ حكيماً
و إذا غضب منكِ كان حليماً
و إذا ظفَرَ برزقٍ كان كريماً
و إذا وعدكِ أوفى .. ولو كانَ وعدَهُ عظيماً🍂

.
.
____________________

سابين ...

حجزت صالون يجنن قبل العرس بأسبوع و اني اروح و ارجع ماخليت شي ماسويته ؛

تقشير تنظيف بشره حمام مغربي ماسكات شعر كل اللي بنفسي و البنات ويايه عالواهس كلهن اروى و سناريا و صديقاتي

نكضي الجلسات سوالف و ضحك متونسين حيل ؛ و اليوم رجعنا من الصالون اول ماطبيت للبيت دك فوني :
- الو

- ها حياتي شلونج؟
- الحمدلله حبيبي انته شلونك ؟!
- مشتاق لحبيبي اللي مطنشني
- ههههههههه ماعاش اللي يطنشك بس هاي اروى كاعدتلي ركبه و نص مايصير تشوفي و مايصير تحاجي منا للعرس شسويله؟!
- شنو سويتي اليوم؟
- جلسة تنظيف بشره و تقشير و حطيت ماسك لشعري
- بالعافيه حياتي

- يعافي قلبك حبيبي ؛ اكول حياتي ممكن اطلب منك طلب؟
- عيوني الج
- سالمات عيونك ؛ اريد تجي لبيتنا بيوم الحنه نسوي حنتنه سوه
- لا حبيبي لا اني كتلج سوي اللي يعجبج و اللي بنفسج معليج بيه
- شلون يعني معليه بيك غير تجي تحنيني؟!!

- يا عيني حفلة نسوان اني شعندي اجي اكعد بنصكم؟!
ماارتاح صدكيني عوفيني على راحتي

- .........
- هاا وين رحتي اشو سكتي لازم زعلتي
- اي طبعاً ازعل لعد اكو عريس مايسوي حنه؟!
شنو مافرحان
- سابين لا تظلين تطلعين حجج و تزعلين احنه مو جهال كتلج مااجي و انتهت ؛ بعدين اسوي حنه المن؟!
انتي عندج صديقات تسوين حفله وياهم آني منو عندي اهنا؟!
لا تتحججين عليه مااحب هالأسلوب

- خلص براحتك ماتريد تجي بكيفك
- يلله اترخص اني في امان الله
- الله وياك

سديته و كعدت ضايجه و متكأبه اجتي اروى شافتني مقهوره و بقت تسأل شبيج الى ان حجيتلها

__________________
سناريا ...

رجعنا من الصالون اول ما دخلت كالت ماما :
- سناريا بدلي بسرعه و تعالي نظفي
- عود شمعنى اختاريتي سناريا يعني؟
- لعد منو ينظف اروى راح تنظف الفوك و انتي الجوه
- يلله بس ابدل و اجي
- لا تتأخرين دنخلص قبل مايرجع ابوج
- اوك ماما دقايق و اجيج

دخلت لغرفتي ابدل و فتحت شعري اتفرج على الكصه الجديده اليوم كصيته و نظفت بشرتي دك تليفوني و غرفتي هوسه ملابسي اللي جنت لابستهم بالصالون بعدني مالميتهم و جنطتي مدري وين صارت