قلب من رماد💔
بقلمي عطر الياسمين🌸🖤
البارت11
_____________________
هنياله الهوه اليمك بكيفه ايفوت
ماتحمر اخدوده ومستحه اترده
ولا يستأذنك يلزمله شي لو لا
او يقترب منك خايف اتصده
_____________________
سابين ...
ايام حلوه تمر على بيتنا
خطوبتي
حمل اروى
احداث خلت البيت ينبض بالفرحه .. اتفقنا نسوي خطوبه و عقد هسه و الزواج بالعطله لأن مابقى شي و تنتهي السنه الدراسيه و فترة امتحانات
حددنا يوم الخطوبه و اسامه انشغل عني هالفتره بالتحضيرات ما حجينه هوايه هالفتره بس مرتين كتبلي يسأل عن احوالي كالعاده
الى ان اجه يوم الخطوبه❤
فستاني جان بسيط لونه اوف وايت و مستور و تسريحه بسيطه مكياج هادىء و كعدت بالغرفه لحد ما اجوي و كملنه مراسيم العقد طلعوني اكعد بالصاله جان كاعد اسامه من دخلت وكف استقبلني بابتسامته اللي ذوبت قلبي اخذ ايدي و اتوجهنا للكراسي اللي زينوها البنات و سوولنا كوشه بسيطه
امه تهلهل و تطش جكليت و هو باس راسي و كال :
- مبروك صرتي مرتي
- الله يبارك بيك
- الله يقدرني و اسعدج
- ان شاءالله اكون مثل مااتمنيتني
جابو الحلقات لبسني حلقتي و نطاني حلقته البسه لحظات جنت احلم بيها و تحققت
ماما واكفه يمي و خاله ميسون يمه و تهلهل و دموع الفرح بعيونها باسها و هي تدعيلنه بالسعاده
و ماما عيونها مدمعه بوستني و توهه تنزل دمعتها اجتي اروى :
- خاله عليج الله لاتبجيها يخرب المكياج و بعدنا ماطكينا صور
- ضحكت ماما و هي تمسح دموعها و باركتلنه
ما عزمت احد بس صديقاتي وتين و مريم اجوي و وكفتهم ويايه كلش حلوه جانت اللي تقسم كيك و اللي تقدم و اجوي ويايه اثنينهم للصالون همه و اروى
و سناريا عزمت صديقاتها اربعه وياها بالجامعه ..
كاعده يمه و ايدي كل شويه تعرك و تبرد جابو الكيك اكلنا و اني من الارتباك احس حتى نسيت شلون اتنفس
مستغربه الوضع كاعده كدامه بفستان بدون حجاب و هو كل شويه يباوعلي بعدين نصى يم اذني يكلي :
- طالعه كلش حلوه
نصيت خجلانه و كتله :
- انته هم كلش انيق كالعاده
- شعرج كلش حلو ماتوقعته طويل هالكد
- ماتحب الشعر الطويل؟
- بالعكس لايكلج حيل
اجتي وتين اخذتلنا صور هوايه
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
