قلب من رماد💔
بقلمي عطر الياسمين🌸🖤
البارت5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
لا عطر يضاهي عطركِ
ولو اعتصرت فرنسا في قنينة عطر!
✍🏼نزار قباني
🌱
_______________________
اللي اعرفه انه المريض بالكانسر عافنا الله يكون هزيل و واضح عليه المرض و شعره يتساقط نتيجة العلاج الكيمياوي خصوصاً هو مصاب بهالمرض صارله فتره
بس اللي شفته شي ثاني .. دخلت و اتفاجأ بالشاب الوسيم اللي متمدد على السرير جسمه رياضي و شعره كثيف و حلو صح وجهه شاحب نوعاً ما بسبب المرض
بس هالشي ما اثر على وسامته
سلمت و بقيت واكفه بمكاني
- السلام عليكم
- وعليكم السلام فوتي حبيبتي اتفضلي. ليش واكفه ؛ ابني اسامه
-اهلاً و سهلاً ؛ معافى ان شاءالله
كعدت عالكرسي مقابل سريره
- اشكرج رحم الله والديج
- ابني هاي البنيه اللي ساعدتني و حجيتلك عنها
- اسمي سابين
رد بأستغراب عاكد حواجبه
- سابين؟ شنو معناه؟
- الحنين
- حلو ؛ اسمج غريب و معناه حلو
- شكراً من ذوقك
- شنو تدرسين اهنا؟
- ادارة اعمال جانت حلمي و الحمدلله حققته
- بالتوفيق ان شاءالله
بهالأثناء اجتي والدته قدمتلي عصير
- اتفضلي حبيبتي
- اشكرج خاله ليش تعبتي نفسج ماكو داعي
- لا حبيبتي انتي اليوم خطار يمنا
كعدت و كالت :
- انتي اهنا انتي و عائلتج كلها يعني؟
- اي خاله بابا و ماما موجودين ويايه الحمدلله و عندي اخ و اخت
- مامتزوجين كلكم يعني مو؟
- لا اخويه الجبير خاطب و راح نروح لبغداد بعد ايام نزوجه و يجي هو و عروسته
- ماشاءالله يتممها عليكم بالخير يارب
- آمين
- آني عندي ٣ ولد ابني الجبير زوجته و بقو عندي اسامه و اخو الأكبر منه بسنتين ، الجبير كمل هندسة حاسبات و يشتغل بشركة الأتصالات
- و الثاني خريج اداره و اقتصاد و يشتغل محاسب بمجمع جبير مال منزليه و ملابس و الحمدلله
وجهت نظري لأسامه اللي ساكت و يسمع حديثنا و سألته :
- و انته شنو تدرس لو خريج؟
- آني كملت هندسه نفط و اشتغلت فتره بس بعدين تركت الشغل بسبب المرض لأن من آخذ العلاج احتاج راحه ايام بعده
- ان شاءالله تتعافى و ترجع
- آمين ، تخصصج حلو شنو طموحج
- عندي طموح اكون سيدة اعمال و اسس مشروع صغير و شويه شويه اكبره بمجهودي
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
