قلب من رماد💔
بقلمي عطر الياسمين🌸🖤
البارت26
_______________
قلوبُنا خُلِقت لتكون اوطاناً .. لا محطات يستريحُ فيها العابِرون
________________
كرم ...
اليوم مضطر اطلع من وكت و اعوف الدوام رايح استقبل اهلي من المطار هوايه اشتاقيتلهم صار شهر بعيد عنهم
دكيت باب غرفتها ردت :
- اتفضل
- ست سابين اني طالع و مااكدر ارجع تحبين ارجعج هسه للبيت ويايه لو باقيه؟
باوعت ساعتها :
- لا بعد وكت و عندي شغل ؛ اني اساساً بابا يجي ياخذني
- اعرف بس كلت احتمال تريدين تطلعين ؛ اني مضطر اروح اهلي راح يوصلون و لازم استقبلهم
ابتسمت و جاوبتني :
- يوصلون بالسلامه سلملي عليهم هوايه ؛ و لا تشيل همي انتظر بابا لو سيف يمرون عليه
- الله يسلمج يوصل ؛ تمام
في امان الله
تركتها و طلعت اخذت سيارتي و اتوجهت للمطار واكف كدام بوابة القادمون انتظر سألت على طيارتهم كالو بعدها ما نازله
ورا نص ساعه نزلت الطائره ؛ قريب الساعه انتظر لحد ما شفتهم طلعو ابويه و امي و سما اللي تركت جنطتها اول ماشافتني و ركضت حضنتني تبجي
- حبيبتي مشتاقلج
- كلش اشتاقيلك مكانك خالي
- لا تبجين حبيبتي هو كله شهر
- والله هوايه
بست راسها و حضنت ابويه
- الحمدلله عالسلامه يابه خوما تعبتو؟
- الله يسلمك يابه ؛ لا الحمدلله مو كلش
امي اول ماشافتني نزلت دموعها حضنتني و ظلت تبجي :
- ليش تبجين ياامي مو هاي اني كدامج
- شلعت قلبي عليك ياامي ؛ اربي و اكبر دا اشوفكم كدام عيني تاليتكم كلمن يصير بصفحه
- و اني وين رحت منج ياامي غير شغلي و رزقنا هذا شلون لعد؟!
حجى ابويه :
- يلله يابه امشو شنو نبقى واكفين هيج بالطريق؟
- يلله جيبي الجنطه يمه انطيني
- ظهرك يوم اخاف ثكيله
- لا مو ثكيله ؛ سما انطيني اللي بأيدج
- اي
حطيت الجنط بالصندوق و انطلقنا للبيت ؛ طول الطريق و همه صافنين عالبنايات و الشوارع و ابويه يسألني على الشغل و احجيله يرد بفرح و عيونه مليانه فخر بيه :
- عفيه وليدي ماخيبت ظني بيك عاشت ايدك ؛ عمك يوسف دوم يسولف بيك ماتدري شكد افرح من يمدحك قلبي يصير هالكبره
- عد عيناك يابه
وصلنه للبيت نزلت الجنط سحبناهن اني و ابويه و دخلنا للبنايه وصلنه للشقه طلعت المفاتيح فتحتها و دخلنا
افترو بالشقه شافوها و كلش عجبتهم
- اني راح اطلع نص ساعه و ارجعلكم
- وين رايح يابه؟
- اجيب غدا
- لا تتأخر ترى جوعان و تعبان
- ماشي
أنت تقرأ
قلب من رماد
Romansaقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
