قلب من رماد💔
بقلمي عطر الياسمين🌸🖤
البارت16
________________
عذاب الأنتظار؟
و ماذا عن عذاب ان لا تنتظر شيئاً؟!
احلام مستغانمي🥀
_______________
سابين ...
- الو ماما
- هلو حبيبتي شلونج
- الحمدلله بخير
- شبي صوتج بنتي
بجيت :
- ماما التحاليل طلعت العمليه ناجحه
- ايييي الف الحمدلله يارب يوم الشفاء التام ان شاءالله
- آمين ماما ماتتخيلين فرحتنا
- حبيبتي ان شاءالله دوم فرحانين شوكت استلمتو النتيجه؟
- هسه طلعنه من المستشفى
- تعالو لعد تغدو يمنه
- اكول لأسامه و ارجعلج جواب ؛ سلميلي على الكل
- يوصل امي الله وياج
مسحت دموعي و هو يباوعلي بفرح و مبتسم جنا كاعدين كدام البحر على المصطبه
- حبيبي ماما عازمتنا على الغدا شنو رأيك
- مايرد الكريم الا البخيل يلله كومي نروح
- ههههههههههه يلله
اتصلت بماما بلغتها احنه جايين ؛ وصلنه بيت اهلي لكيناهم كلهم ملمومين دخلنا اني و اسامه ايد بأيد و الكاع ما شايلتنا من الفرحه و الضحكه تارسه وجهنا
استقبلونا كلهم و بعدين دخلت للمطبخ يم ماما نساعدها و نسولف لحد ما كملنا كل شي و فرشنه السفره و انجمعنا عليها كلنا
جان يوم كلش حلو
كعدت يمي ماما ورا الغدا و كالت :
- سابين
- نعم ماما
- حبيبتي تجين ويانه للعراق خطوبة مروه بنت عمج
- حتروحون للعراق؟
و الدوام مو راح يبدي!
- هنه كم يوم مانطول هوايه اسبوعين بالزايد و هاي اروى خطوبة اختها شلون ماتحضر!
و اني ماشايفه امي صار شكد
تجين ويانه تغيرين جو؟
- لا ماما روحو انتو و سلمولي عالكل آني مااكدر اعوف اسامه عنده علاج و صعب اعوفه
- مو امه راح تجي؟
اسبوع واحد ابقي ويانه و ارجعي احنه هم مامطولين اختج راح يبدي دوامها و سيف مايعوف ابوج وحده
- ميخالف ماما حتى لو مااكدر اعوفه
- بكيفج امي بكيفج
جان عاجبني كلش اروح و مشتاقه للكل بس مااكدر اعوفه احس انانيه مني اعوفه و اسافر و هو محتاجني حتى لو خاله ميسون موجوده
ورا يومين اهلي سافرو و بقى بس بابا اهنا :
- تعال يمي ياحبيبي شلون تبقى وحدك مو اني طبخت
- معليج مني بنتي آني اعرف ادبر نفسي
- شلون معليه منك!
لعد را اجيب الغدا و نجي نتغده يمك
- بكيفج بابا هلا بيكم
و هيج مرت ايامي اروح اهتم ببابا اطبخله و انظفله و اشوفه شمحتاج و ارجع للبيت بين اهتمامي بأسامه و بين التحضير للسنه الدراسيه الجديده
أنت تقرأ
قلب من رماد
Romantizmقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
