قلب من رماد💔
بقلمي عطر الياسمين🌸🖤
البارت23
_________________
ظل شامخ جبل لا تنحني فد
ترى ثوب الكرامه لا تظن يعتك
لا تشكي أبد رغم الجروح البيك
الأعوج مستراح العدل شابع دك
_________________
كرم ...
- ها ابني حضرت نفسك رتبت كل امورك؟
- اي يابه كله تمام
- ياالله ؛ و شوكت تتوكل؟
- حجزت يابه نهاية الاسبوع اسافر ان شاءالله
- اني وصيت عمك يوسف يخلي سيف يلكى سكن حتى من تروح ما تحتار
- اي خابرني سيف و كال
- على بركة الله
اتدخلت الأم :
- بالله اني شلون راح افارك ابني و شلون راح يعيش هناك وحده؟
- ليش ابنج صغير؟!
ابنج رجال و رايح علمود شغله و احنا ان شاءالله عالعطله كلنه نروحله نص السنه مابقالها شي تمتحن سما و نروح يمه
- والله مايطيني قلبي شلون يظل وحده بعد شهر للأمتحانات شياكل شيشرب وين يكعد منو يحير بملابسه
- يمه شنو القضيه طفل كدامج؟!
لاتشيلين هم اكدر ادبر نفسي
- الله يحفظك يوم
- الله يسلمج ياغاليه ؛ يلله اني اكوم اجيك الجنط اخاف ناسي شي لو عندي نقص
- بعد وكت مو تكول نهاية الاسبوع تروح؟
- اي يمه بعد ٣ ايام لنهاية الاسبوع هم يلله احب على كيفي ارتب غراضي ليش ااجلها و انخبص؟
- بكيفك امي
- يلله تصبحون على خير
مريت من يم غرفة سما و اسمع شهكتها :
- تحجين صدك لج سناريا لو تتشاقين ____
عزه لج اني شلون ماادري___ و هسه شلونها؟
حبيبتي والله ماتستاهل ___ بوسيلياها و سلميلي عليها___ اي بابا وعدني بالعطله يجيبنا _____ ماشي حبي مع السلامه
دكيت باب غرفتها و دخلت :
- شبيج سما ويا منو جنتي تحجين
رفعت راسها عيونها مدمعه :
- انته من شوكت اهنا؟
- مريت من يم غرفتج دا ادخل لغرفتي و سمعت صوت الشهكه مالتج قلقتيني منو جان عالتليفون؟
مسحت دمعتها :
- ماكو شي جنت احجي ويه صديقتي
- ليش تبجين سمسم شبيها صديقتج
شهكت تبجي :
- هاي سناريا صديقتي تتذكرها جنت مرات توصلني لبيتهم بنت عمو يوسف
- اي اي طبعاً اتذكرها شبيها؟!
- مو هيه اختها الجبيره
فتحت عيوني خايف اسمع شي مو زين
- ششبيها اختها سما؟!
- العام رحنه لعرسها و جانت طالعه تخبل و فرحانه هسه دا احجي ويه سناريا حسيتها مو طبيعيه لاتضحك لا تتشاقى سألتها شبيج كالت اختها مريضه و باقيه عدهم ليش شبيها؟
كالت زوجها طلكها و رجع للعراق و من يومها و هي مصدومه و حابسه نفسها بغرفتها ماتطلع و ماتشوف احد صار شهر و نص و البارحه يلله طلعت كعدت وياهم نص ساعه و رجعت عزلت نفسها
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
