قلب من رماد💔
بقلمي عطر الياسمين🌸🖤
البارت24
________________
إذا احببتَ شخصاً فدعهُ حُراً
فإن عاد اليك فهو ملكاً لك ؛
و إن لم يعد فتمنى لهُ السعاده
نِزار قباني💛
________________
كرم ...
هبطت الطائره و نزلت بالمطار ساحب جنطتي بأيد و شايل قمصلتي على ايدي الثانيه .. بعد ما ختمت الجواز
طلعت من البوابه شفت سيف و فراس واكفين منتظريني ؛ ابتسمت لشوفتهم تركت الجنطه و حضنت سيف
- الحمدلله عالسلامه
- الله يسلمك حبيبي
التفتت لفراس حضنته
- الحمدلله عالسلامه ابو الكرم
- حبيبي الله يسلمك
- شلون جانت سفرتك؟
- الحمدلله مريحه مابيهه مشاكل
حجى سيف :
- يلله شباب نتوكل؟
ردينا :
- يلله
- عندك بعد لو بس هاي الجنطه
- لا بس هاي
اجيت اسحبها مارضو اثنينهم
- عوفها
- لا يابه شنو القضيه
ادخل فراس :
- لا انته ولا هو اني اخذها
صعد فراس الجنطه بالصندوق و صعدنا كلنا بسيارة سيف و انطلقنا و سيف يحجي
- ابو الكرم اجرتلك شقه ثلاث غرف و صاله تحفه و بيهه بالكون عالبحر ؛ لأن ابويه كال اهلك راح يجون فأخذتها جبيره حتى تكفيكم و اذا ماارتاحيتو بيهه نشوف غيرها
- عاشت ايدك حبيبي تعبتك
- امشي لك
كمل و كال :
- و اخذتلكياهه يمنه قريب عليه و على فراس بس عليه اقرب
حجى فراس :
- و هاي اهم شي حتى يوميه نسهر و نتعلل سوه
سألته :
- يول فراس امك شلونها
- كلش زينه ؛ الله وكيلك بس بعدت من ابويه كل اموري مشت
- الله يهدي عليكم
وصلنه كدام بنايه كلش حلوه وكف السياره و نزلنه انطاني المفاتيح
- هاك يابه هاي المفاتيح
- شنو ماتفوت؟
- طبو انتو و هسه ارجعلكم فراس يندل الشقه
التفت على فراس :
- تندلها مو؟
- اي اي روح الله وياك
- مااطول عندي شغله صغيره اكملها و اجي
- اخذ راحتك
- يلله في امان الله
- الله وياك
فتحنا الباب الخارجي و دخلنا جانت العماره تقريباً ست طوابق و جوه حول البنايه اكو حديقه حلوه و مرتبه كملنا الممر الخارجي و فتحنه الباب الداخلي للبنايه صار بوجهنا المصعد بنهاية الممر
صعدنا للطابق الرابع انفتح المصعد و مقابيله اكو بابين اتوجه فراس كدامي لوحده منهن
- ياهو شقتي
- هاي
أنت تقرأ
قلب من رماد
Romansaقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
