قلب من رماد

البارت32

قلب من رماد💔

بقلمي عطر الياسمين🌸🖤

البارت 32

__________________

أهٍ على قلبٍ هواهُ مُحَكَّمُ
فاض الجوى مِنهُ فظُلماً يكتمُ
ويحي أنا بُحتُ لها بسرِهِ!!
أشكو لها قلباً بنارِها مغرَمُ

و لمحتُ من عينيها ناري و حرقتي
قالت على قلبي هواها مُحَرمُ
كانت حياتي فلما بانت بنأيها
صارَ الردى آهٍ عليَّ ارحمُ

💔

_____________________

كرم ...

اجه يوم السفره و احنه مرتبين لكل شي اتجمعنا كلنا بمكان اتفقنا عليه و انطلقنا جان سيف منظم برنامج السفره

كلنا متحمسين ؛ جنت كلش فرحان و اني المحها كاعده بين صديقاتها و تضحك .. احلى شي بيهه هدوئها و رزانتها قليلة الكلام و ضحكتها هادئه كأنها موسيقى

ما اجه ويانه احد غريب بس آني و اهلي و بيت عمي يوسف و صديقات سابين و فراس اجه هو و امه

بالبدايه اعتذر كال مااكدر اعوفها وحدها روحو مااجي بس اني و سيف ماتركنا اصرينا يجيبها ويانه تغير جو

وصلنا للقارب طبعاً جان يخت كبير يكفينه كلنه ؛ صعدنا و اخذنا جوله بالبحر جان الجو كلش حلو ؛ اتونسنا هوايه لأن صارلنه فتره طويله ماطالعين

احنه مجموعة الشباب خلصناهه نلعب ورق و البنات يصورن و متونسات ؛ الأمهات اخذو ركن و كعدن بي و ابويه و عمو يوسف سوالفهم و صوت ضحكهم المرتفع يرن بالمكان

مر وقت مو قليل للظهر خلصت الجوله بالبحر و نزلنه من اليخت اخذنا سيف للسوك اشترينا لحم و فحم و عده مال شوي و انطلقنا بسياره المكتب مالتهم سيف موصي و منتظرتنا هناك لمنطقة غابات

وصلنه و جان المنظر ساحر ؛ الهوا نظيف كله اوكسجين من كثرة الأشجار و بي بروده ؛ رغم جان صيف و الجو حار و الشمس القويه تتسلل من بين اغصان الأشجار

رأساً بلشنا نرتب مكان الشوي و البنات يفرشن مكان الكعده بتوجيه من الأمهات ؛ ابويه و عمي يشرفون على كل شي مره يوجهونه و مره ينطون ملاحظاتهم للبنات

ترتب كل شي و شعلنا النار و اللحم اللي جبنا مقطع بس يدخلو بالشياش مال الشوي و استلمو هاي المهمه الكادر النسائي كله😅

يشتغلن و يسولفن و يضحكن منطلقات كلش و الكل يحس نفسيته ارتاحت هلكد ما المكان يبعث الهدوء بالنفس

همه يشتغلون و صاح سيف :
- يلله يمه ماكملتو؟
الجمر راح يخلص
- اي يمه مو هاي وجبه جاهزه تعالو اخذوها
- هاي شنو اشو مامسوين بصل و طماطه؟!
- شلون مامسوين هذني يم سما و سناريا هنه ديسون