قلب من رماد💔
بقلمي عطر الياسمين🌸🖤
البارت 17
_______________
لم ييأس زكريا بالرغم من دواعي اليأس🍂
وَهَنَ عظمه
و اشتعل رأسهُ شيباً
و كانت إمرأتهُ عاقر
و لكن رغم ذلك ظل يُحسِنُ الظَّن بِرَبِه🌷
_______________
بغداد❤
المقهى - الساعه ٧ مساءً
دخل سيف للكوفي :
- لك هلاااا هاي منو اهنا اليوم
وكف كرم يستقبله بضحكه متفاجأه :
- لك هلا سيّوف الحمدلله عالسلامه شوكت اجيت
اتقرب منه طكو كف بكف تصافحو و تحاضنو بقوه
سيف - مشتاقلك يول
كرم - تشتاقلك العافيه حبيبي هاي شوكت اجيت و شعجب؟!
- البارحه بالليل وصلت اجيت آخذ زوجتي بقت يم اهلها
- نورت بغداد
- منوره بأهلها ؛ اي سولفلي شكو ماكو شنو اخبارك يكلك ابو الكرم طلع سجاج قوي و احنا ماندري
رفع راسه كرم و ضحك بقوه :
- هههههههههههههههه شعبالك بابا اني مو شويه
- ماجستير؟!
انته؟!
شلون رهمتها ماتكلي؟!
- هههههههههههه رهمت بعد
- شجابها ببالك ولك من حجولي كلت لااا جذب مستحيل ؛ مايسويهه كروم مو اخلاقه طلع الولد خربان ورايه مو هذاك الأولي
- هههههههههههه د كافي ولك شنو جاي متحلف عليه قصفت ام الجبهه
- لا صدك شلون؟!
- يابه هذا اللون ؛ شبيكم ويايه عندي طموح بدال ماتشجعوني؟
- غير يستقر ابو الطموح لعد وين جان الطموح بالسادس؟!
- يمعود السادس يسوي احباط ؛ و بعدين جنت شاب و طايش ما مفكر شنو شهاده و شنو مستقبل
- يعني هسه عقلت بالخير؟
- هههههههه تكدر تكول هيج ؛ و تعال اكلك اشو انته مطلعني صفر عاليسره ترى اني مستوايه ماجان ضعيف لهالدرجه بس انته لان جنت شاطر تشوفني مستوايه ضعيف ترى آني بحياتي ما عايد سنه
- و شلونك هسه ويه الدراسه؟
- يعني صح تعب بس الحمدلله مادام ادرس بواهس و حابها مرتاح رغم هي مو سهله ابد مو سهله
- شكد بعدلك؟
- والله سيوفي آني متفرغ الها تفرغ تام يعني حتى الشغل ويه ابويه و هشام عايفه هالفتره صارلي سبع اشهر ادرس و بعد هيه من سنه و نص إلى سنتين هيج شي
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
