قلب من رماد 💔
بقلمي عطر الياسمين🌸🖤
البارت 10
؛؛؛؛؛؛؛؛؛؛؛؛؛؛؛؛؛؛؛
لا انتَ بعيدٌ فأنتظرك
ولا انتَ قريبٌ فألقاك
لا انتَ لي فيطمأنُ قلبي
ولا انا محروماً منكَ فأنساك
انت ... في منتصف كل شيء🥀
______________________
يعني جاي علمودي؟
جاي حتى يسألني هذا السؤال؟
يعني احساسي مو غلط؟!
يحبني .. طلع يحبني
حاس بمشاعري
كل هاي الأفكار تدور براسي و اني اسمع كلمه كلمه منه و لساني انعكد مدا اعرف اجمع الكلمات و ارد عليه
كمل و هو يكول :
- اعرف فاجأتج بس احساسي مستحيل يكذب عليه انتي حاسه بيه صح؟
آني انعجبت بيج بمرور الوقت و حسيت انتي الأنسانه اللي اكدر اكمل وياهه حياتي و حسيت اكو استجابه منج و تشجعت احجي و اعترفلج
خطر على بالي وصايا مريم و اروى و همه ينصحوني ما استعجل :
- ااااا احجي ويه ماما بالموضوع ووو...
- و انتي؟
اريد رأيج انتي .. قابله بيه؟؟
ضعت بنظرته و ابتسامته الهادئه ابتسمت و دنكت خجلانه
حجى بابتسامه :
- وصلني الجواب مااريد احرجج و اخرج بس لا تتأخرين عليه بالجواب اريد اجي اني و اهلي نزوركم شوكت تحاجين الوالده؟
- ااااا مااعرف يمكن اليوم
- تمام و اني بأنتظار الرد
- اوك باي
- الله وياج
تركته و مشيت .. لااا ما مشيت طرت هيج احساسي احس نفسي دا اطير مو امشي
احساس حلو شايفه من تحسين نفسج جنتي تتمنين امنيه بينج و بين ربج و بعدين فجأه و بدون مقدمات تلكيهه بين ايديج صارت؟
هيج جان احساسي
وصلت للبيت و اني طول الطريق افكر شلون راح احجي ويه ماما!!
شنو اكوللها!!
هي ماتعرف شي عن اسامه غير انه ساعدته يتعلم اللغه شلون راح افتح الموضوع؟!
اخاف تعرف جنت اتواصل ويا و ضميت عليهه و تزعل مني!!
بقيت بحيرتي و تفكيري الى ان فتحت الباب و دخلت و اجتني ريحة الطبخ من المطبخ غمضت عيوني و اني استنشق روايح الأكلات اللي محضرتهم ماما عالغده
و دخلت المطبخ :
- الله ... اذا اكو نعمه بهاي الدنيا فهي ريحة طبخاتج اللي اشمها اول ماافوت
بست ايدها :
- الله لايحرمني منج سمسمتي و لا انحرم من طعم طبخاتج
- هههههههه هاي شكو اليوم اشو فايته من بره تتغزلين بيه جوعانه؟
لو تريدين فلوس؟
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
