قلب من رماد💔
بقلمي عطر الياسمين🌸🖤
البارت 6
●●●●○●●●●●○●●●●○●●●●
عليمن طالع انته تجنن اليوم
و عيونك كحيله و تنافس الغزلان
الله يعين من يلكاك بالنوم
يتمنى يخلص العمر حلمان🍃🌹
مأمون النطاح✍🏼☆
_________________________
تحضيرات عقد سيف و اروى جانت ونسه بالنسبه النه رغم التعب مخبوصين و نخاف ننسى شي مانريد شي نقص بهذا اليوم
و اجه يوم العقد كعدنا كلنا من الصبح ببيت جدو
بيبي - يلله يابنات كومن حضرن الريوك لا نتأخر خوات العريس يريدن يروحن للصالون خلونه نتريك حتى يودوهم من وكت
- يلله سابين كومي حتى نساعدهم بالريوك و نشوف منو يودينه للصالون
- اكلج شنو بس اني وياج نروح بنات خالي مايروحن؟
- مااعرف
دخلت رهف بنت خالي تكعدنا ،
- يلله بنات بيبي كاعده ترى و كعدت الكل بقيتو بس انتو
- اكلج رهوفه انتو تجون ويانه للصالون انتي و اسيل مو؟!
- اي طبعاً نجي هو غير عقد سيوفي بس مانسوي شعرنا بس ميكاب لأن اول تالي راح نبقى بالحجاب
- زين منو يودينا اخوج يكدر ؟؟ لأن سيف مستحيل يقبل هسه يكول مااكدر و عندي شغلات اكملها و اجهز نفسي
- اي ضرغام يودينه اصلاً بابا موصي
- تمام
حماس من الصبح طلعت من الغرفه ريحة الجاي و صوت بيبي و سوالفها ويه ماما و صوت اللي بالبيت كلهم يسولفون و يضحكون سوه
هذا ماعدا الأصوات اللي جايه من المطبخ اصوات كلاصات الجاي و مرت خالي و هي تضحك ويه خالو و هو يداهر بناته ؛ شي مفتقدته هوايه
جنت متعوده بالعطله اجي يمهم و اعيش هاي الأجواء غسلت وجهي و فرشت اسناني
دخلت للمطبخ اساعدهم
- صباح الخير ،
ردو بصوت جماعي ؛ صباح النور صح النوم يا حلو
- خاله انطيني هذا الجبن اني اثرمه
- هاج حبيبتي ، بعد سوي ويا ماعون خيار و طماطه خالج هيج يحبه
- اوك
- رهف
- نعم ماما
- طفي النار جوه الجاي كافي و يلله اختج فرشت السفره بالهول بلشو شيلو الريوك لهناك
بلشو البنات اسيل و رهف و سناريا يشيلون و يفرشون عالسفره و انضميت الهم اني هم بدقايق كملنه كل شي
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
