قلب من رماد💔
بقلمي عطر الياسمين🌸🖤
البارت19
________________
صح اعتب جبتها شبيدي غير اعتب؟!
بالله بغيرتك عود انتَ هم تحب؟!
هو الحب شنو؟
اشرحلي و اني اكتب
الحب تضحيه ....
و انتَ شوكت ضحيت؟!
من يومك تدور حار و مكسب
اليسمع هذا حجيك من صدك يتمناك
كلامك يعجب و دكاتك تعَجّب👌🏼
يحى العلاق
_______________
سابين ...
واكفه كدامه عيوني مفتوحه بصدمه
الكلام اللي سمعته منه خلاني بحالة صدمه ؛ احس كل شي بيه جمد حتى دموعي ماترضى تنزل و تطلع الحركه اللي بقلبي
اسمع و احاول استوعب و اسأل نفسي :
شديحجي؟!!
صحيح اللي دا اسمعه لو اني دا احلم؟!
زين هو هذا منو؟!!!
هذا نفسه اسامه؟!!
هذا اللي حبيته؟!!!
لو واحد مااعرفه؟!!
- لو تفهمني شبيك لو هسه اعوفلك البيت و اروح لأهلي
- انتي شبيييييج تدورين مشكله بالكوه كتلج كل شي ماكو
- اسامه اني مو غبيه احجي .. كتلك احجي
رفع راسه ليفوك و جر نفس بعدين حط عينه بعيني و كال :
- اريد ارجع للعراق
- ماعندي مشكله انته اصلاً من اتزوجنا الى هسه تأجل هالموضوع اني هم مشتاقه لبيت جدو نروح نغير جو و نرجع ؛ معقوله على هاي صاير ماتتحمل مني الكلمه!!
غمض عيونه بضيق و دار وجهه للجهه الثانيه و حجه :
- سابين اني مااريد ارجع لهنا اذا سافرت ماارجع
صفنت بوجهه اريد افهم وين يريد يوصل
- بس ... بس اني حياتي اهنا ؛ اهلي اهنا ؛
مو مشكله اذا انته تريد نستقر بالعراق و كل فتره اجي اشوفهم
- ارجع وحدي
- وحدك؟؟!!!!!!
- اي
- و ..... و آني .... آني شلون؟!
حجى بتردد و كال :
- ننفصل .. اطلكج
شايفين احساس انه شخص ياخذك من ايدك و يطير بيك فوك الغيم و تكون بمنتهى السعاده وفجأه يترك ايدك و يتركك توكع من فوووك ليجوه و تنصدم بالأرض بكل قوه
و يتحول احساسك بثواني من منتهى السعاده
الى منتهى الألم
منتهى الخذلان
صعب اللي تعتبره كل حياتك تكتشف انك ولا شي بالنسبه اله
- ش ......شنو .... شنو ماااا فهمت
- ننفصل و هذا افضل النه اثنيننا
- ننفصل؟!!
افضل النه؟!!
النا لو الك؟؟
بهالبساطه تتنازل عني؟!!
لهالدرجه آني ولا شي بالنسبه الك؟!!!
- مو هيج بس ....
- بس شنو؟
و اني اكول شبيك تتحجج عليه و تفتعل المشاكل
- لا افتعل مشاكل ولا ابد بس جانت اكو امور براسي افكر بيها و انتي من كعدتي بالبيت صرتي كلش تلحين
أنت تقرأ
قلب من رماد
Romantikقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
