قلب من رماد💔
بقلمي عطر الياسمين🌸🖤
البارت14
__________________
هناك من يتذمر أنَّ للوَردِ شوكاً
و هناك من يتفائل أنَّ فوقَ الشَوك وَرده🌷
جبران خليل جبران🍂
_________________
سابين ...
نهيت الأتصال ويه ماما و دخلت لكيت اسامه توه كعد اجيت كعدت يمه لزم ايدي :
- صباح الخير حبيبي شلون صرت احسن؟
- الحمدلله ؛ آسف خوفتج و خربت ليلة زواجنا المفروض صباحيتنا تكون احلى من هيج بهوايه .. احنه اول عرسان يخلصون صباحيتهم بالمستشفى
- لا تكول هيج حبيبي كله يهون و يتعوض المهم انته بخير
صفن بوجهي حسيت ديفكر بشي او اكو بباله سؤال و من سأل تأكدت تفكيري صح :
- سابين؟
- نعم
- شلون قبلتي بيه و اني مريض؟!
- حبيبي شنو هالسؤال شلك بهالحجي
- يهمني اسمع جوابج
- لأن حبيتك
- مو كافي
- شنو؟!
- مو سبب كافي يخليج تتقبليني و انتي تعرفين علاجي صعب و راح تتعبين ويايه
- لا بالنسبه الي كافي ؛ ثم آني ايماني قوي و الحمدلله واثقه انه الله سبحانه و تعالى مايرد ايدي اللي ارفعها اله بالدعاء الك ورا كل صلاة فارغه
- تدعيلي بصلاتج؟!
- ويه كل سجده
- يعني راح تبجين اذا ......
قاطعته و اني احط ايدي على شفايفه بعصبيه :
- خلص اسامه شبيك؟!
شنو هالحجي؟!
اكو عريس هيج يصبح على عروسته؟!
ليش تفاول على نفسك؟!
ليش كاعد تحرك كلبي؟!
ترى اللي صار بالليل اخذ نص حيلي الله يخليك سد الموضوع اذا صدك تحبني لاتحجي هيج
باس ايدي و حجى :
- آسف حياتي مو قصدي اضوجج
- خلي ايمانك بالله قوي ؛ خلي عندك اصرار و دافع انك تتشافى ؛ اصلاً الطبيب بشرني يكول وضعك افضل بهوايه عن اول مااجيت قبل ٣ سنوات و ماكو شي بعيد عن رحمة رب العباد
- حبج اقوى دافع يخليني اصارع المرض واتحمل كل شي حتى ماانحرم من شوفة هالعيون كل يوم
ريكته و اجه الدكتور شافه و كال الحمدلله ازمه و عدت تكدرون تطلعون
خابرني سيف :
- سابين ليش وحدكم ليش ماخابرتيني؟
- حبيبي والله ماردت اقلقكم ويايه بعدين اتصلت بالأسعاف اسرع و همه يعرفون شلون يتعاملون ويه حالته
- وهسه وينكم؟
- راجعين للبيت
رجعنه ورا ساعه اجتي ماما وحدها و جايبه صينية غدا :
- حبيبتي ماما ليش متعبه نفسج؟
- الف عافيه امي ؛ بشريني رجلج شلون صار
- لا الحمدلله احسن
- زين ليش هيج تخربط؟
أنت تقرأ
قلب من رماد
Roman d'amourقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
