قلب من رماد💔
بقلمي عطر الياسمين🌸🖤
البارت22
_____________
الخذلان هو ان يكسرك الشخص الذي قضيت وقتك محاولاً ترميمه!
_____________
كرم ...
- هاك امي اشرب مي شويه قبل ماتخلص الاستراحه شكد سألوك صارلهم ساعتين و ماخلصت ليهسه؟!
شربت و رديت عليهه :
- يمه قابل دنلعب لعد شعبالج؟
انتهت الاستراحه عشر دقايق و دخلت اللجنه مره ثانيه و بعد مناقشه دامت اكثر من ثلاث ساعات اجه وقت اعلان النتيجه
و اخذت الماجستير بتقدير جيد جداً ؛ بس لفظ الدكتور هالكلام ارتفعت هلاهل امي و طشت عليه الجكليت و ابويه دمعت عيونه و اخواني فخورين بيه
- حبيبي يوم اللي اطش جكليت عرسك يارب
- الله يحفظج ياغاليه
- مبروك يابه رفعت راسي ؛ رغم بالبدايه جنت متوقعك دتتحجج و ماماخذ الموضوع بجديه
- الله يحفظك يابه اشكرك
كلتها و بسته و بست ايده و اخذت امي و ابويه و هشام و سما صورنه كلنه ويه اللجنه صوره للذكرى
خلصت تهاني المحبين من اللي عزمتهم و اخذت اهلي و طلعنه متوجهين للبيت
سيف ...
- بشرني يول خلصت المناقشه لو بعد؟
- خلصت حبيبي خلصت اخذت الماجستير بتقدير جيد جداً
- مبروك حبيبي تستاهل كل الخير هوايه فرحتلك
- الله يبارك بيك يا طيب
اجتي امي كعدت و كالت :
- اي هسه مادام خلصت اجه الوقت تلتفت لنفسك ؛ اللي بعمرك صار عدهم جهال و انته بعدك
- يمه مو وكتها هسه المشروع اللي صار سنين نشتغل عليه صار جاهز
- و شدخل هاي بهاي
- شلون شدخل ياامي راح اسافر و استقر هناك و اشتغل على تأسيس شركه و إن كانت صغيره بس تحتاج مني جهد هوايه
- ليش ماازوجك و مرتك تسافر وياك؟
- منو مرتي ياامي ؛ انتي تريدين تربطيني ببنيه مااعرفها و اخذها و اسافر و مااعرف شلون راح تطلع و شلون تصير حياتنا
- شنو ماتعرفها غير بالخطبه تتعرف عليها شلون جيل انتو لخاطر الله احجيلك كلمه ابو هشام ابنك راح يموتني
- يمه الشي اللي تكولين عليه انتي مايناسبني ؛ ادخل حياة بنيه مااعرف اطباعها و اعتمد انه انتي شفتيهه تناسبني هاي ماتمشي عندي
- مو جنت اكلك على بنت عمتك يبس لساني و اني اكلك خل اخطبها الك و راحت البنيه تزوجت و خلفت و انته مكابلني
- يمه شنو القضيه كتلج اني من اريد لا مستحي ولا خايف اجي اكلج هاي اللي اريدها
- ليش اختياري شبي؟!
أنت تقرأ
قلب من رماد
Storie d'amoreقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
