قلب من رماد💔
بقلمي عطر الياسمين🌸🖤
البارت 18
____________
الحياة لا تعطي دروساً مجانيه لأحد
فحينَ أقولُ لَكَ أن الحياة علمتني ، تأكد إني
دفعتُ الثمن ...
✍🏼نجيب محفوظ
_____________
اروى ...
سميه - شلونها اختج مرتاحه ويه زوجها
- اي خاله الحمدلله كلش زين وياها و يحبها ؛ بس مقهوره على ماما آني خطيه بقت بس هي و غضنفر و آمنه ؛ و من رجعت من يمهم آني و تزوجت مروه الى هسه كل ما اخابرها تختنك و تبجي
تكول فرغ عليه البيت وراكم
- بعد هاي سنة الحياة يا بنتي هسه آمنه هم غمضي فتحي تتزوج
- ايي و الله خاله
- شبيج يوم اشو احسج تعبانه
- مابيه خاله بس اشو تعبانه من الفجر احس وجع بظهري
- يايمه لعد غير تحجين حتى نوديج اخاف عندج ولاده
- لااا خاله مابيه شي بعد وكت
- بكيفج انتي بعد وكت اسبوعين بشهرج شكد تريدي يبقى؟!
كامت و تتلفت :
- خاله شنو تدورين؟
- تليفوني وين؟
اخابر سيف يجي ؛ و انتي كومي حضري نفسج
صعدت لغرفتي كوه صرت امشي الألم بدا يزيد بدلت و اني اصلا محضره جنطة المستشفى لفيت حجابي و دخل سيف القلق بوجهه
اني شفته شهكت ابجي اتقدم عليه بلهفه و حضن راسي لصدره :
- لاتبجين حبيبي انتي بطله كدها قوي نفسج حتى ترجعيلي انتي و ابننا بالسلامه
بجيت و كتله :
- اخاف
- لاتخافين حياتي كولي ياالله شده و تزول
- لا تعوفني
ابتسم يطمني و باس ايدي :
- وين اعوفج؟!
غشيم و اعوفج!!
يلله امشي ؛ بس هاي الجنطه لو بعد اكو شي تاخذي؟
- لا بس هاي
اجانا صوت خاله سميه من جوه :
- يلله سيف ؛ يلله امي
جاوبهه :
- اي يوم اجينه
نزلنه ايد لازم ايدي و ايده الثانيه شايله الجنطه لكينه خاله بالصاله تخابر عمو تبلغه :
- ان شاءالله اخابرك عود ؛ فدوه لاتنسى تكول لسناريا
يلله تمام ؛ الله وياك
طلعنه صعدوني بالسياره و انطلقنا للمستشفى و اني خايفه و دا اتوجع
وصلنه نزلت و رأساً دخلوني و خاله و سيف بقو بالأنتظار
سيف ...
- يمه مو تأخرو؟
- لا يمه ماتأخرو توها فاتت
- يا توهه صار نص ساعه
- اي ياابني حتى اللي يحشي سنه هم ماتكفي النص ساعه اصبر شجاك!!
رايح جاي بالممر ينتظر على نار
سميه -الو ها سابينا --- اي جبناها للمستشفى و بعدها جوه دننتظر --- الله يسلمج حبيبتي انتي وين؟
ها بعدج بالجامعه؟
و شلونج بالأمتحان؟
يا الله ان شاءالله مايضيعلج تعب حبيبتي --- اكيد بس تجيب انطيكم خبر --- الله وياج
أنت تقرأ
قلب من رماد
Lãng mạnقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
