I sold my Virginity to my Professor🔞

Kabanata 5

Nang matapos gawin ni Lara ang pinapagawa ni sir Leon ay agad na siyang naglinis sa area. Inilapag niya ang laptop sa mesa nito at napagpasyahang umalis.

"Sa wakas natapos rin. Ang sakit ng likod ko!" Sambit ni Lara. Nag-unat siya ng katawan saka muling tumayo. Nang papalabas na siya sa office ni sir Leon ay sakto namang bumangga ang mukha niya sa matigas na bisig ng professor niya.

"Aray!"

"O-oh! Sorry!" sambit ni sir Leon sa kaniya.

"Ay, hala, sorry po sir! Hindi ko po sinasadya..."Pinagpag pa ni Lara ang bisig nito. Hindi tuloy maiwasan na mapatiim-bagang si Leon.

Damn it! litanya ng utak ni Leon sa oras na iyon.

"Sorry po talaga sir, ah, eh, ano po kasi...palabas na ako. Natapos ko na po 'yong files na pinapagawa n'yo." Paliwanag pa ni Lara sa nag-aalalang boses. Ngumiti si Leon sa oras na iyon.

"Alright, magaling, Lara!"

"May ipapagawa pa po ba kayo sa akin?

Leon shakes his head that time.

"Uhm, wala na. Pero..."

"Pero...ano po 'yon, sir?" dugtong naman ni Lara.

"Itatanong ko lang sana kung pwede ba kitang yayain na magkape..." nakangiting sambit ng guro.

"Ha, pero po kasi....may pasok pa po ako ngayon. Baka ma-late na po ako."

"Ah, gan'on ba, sige. Mamaya na lang. Hintayin kita after school?" tanong pa nito sa dalaga.

Nagdadalawang-isip si Lara sa oras na iyon dahil hindi niya alam kung paano niya sasabihin na ayaw niyang sumama. Nahihiya tuloy siya na tumingin ng diresto sa guro niya

"So, sige. Mamaya na lang ha. Salamat talaga." Ngiti ni Leon sa kaniya.

Nabigla si Lara dahil sa pagtapik ni sir Leon sa may likod niya, hinagod pa nito ang tagiliran niya kung saan may sensitibo siyang kiliti. Mabilis na naglakad si Lara palabas that time.

Nakasalubong niya ang dalawang kaibigan na sina Alana at Veronica.

"Oy! si Lara oh!" ani ni Veronica.

"Lara!" sigaw naman ni Alana.

"Veronica! Alana!" nakangiting kaway ni Lara sa dalawa.

"Saan ka galing? Ba't parang pinagpapawisan ka?" kunot-noong tanong ni Veronica.

"Oo nga, parang ang layo ng tinakbo mo ah?" dugtong naman ni Alana.

"Eh kasi naman...maalinsangan kasi..." pagsisinungaling pa niya sabay paypay sa sariling mukha.

"Ganoon ba? Tara na, sabay na tayo sa room. Baka ma-late tayo!" hawak ni Veronica sa braso niya.

"Hmm...alam mo Lara, parang nakita kita kanina..." nakangusong sambit naman ni Alana.

"Ha? Saan?" kabadong tanong ni Lara.

"Kanina kasi, galing ako sa swimming pool, parang nakita ko si Sir Leon na pumasok sa opisina niya, tapos parang nandoon ka sa loob eh, nasilip ko lang."