အရီးရင်စိန်နဲ့ယဥ်မြတို့နှစ်ယောက်ခေါင်းချင်းဆိုင်နေတာကို စိုင်းဉာဏ်စျေးထဲဝင်လာကတည်းကသိနေတာဖြစ်သည်။ဘာဖြစ်တာလဲသိချင်စိတ်ဖြင့်အရီးကိုခေါ်လိုက်တော့ လှမ်းမြင်လိုက်ရတာကရောင်ဝါ ။ကုန်စိမ်းခြင်းတွေဘေးနဲ့လဲကျနေတဲ့ရောင်ဝါ့ပုံစံက ခွေခွေလေးပင်။ဘာကြောင့်အခုလိုဖြစ်ရသလဲ။
ရင်ထဲမှာရောင်ဝါ့အားစိုးရိမ်စိတ်တွေများလာကာ ကုန်စိမ်းခြင်းဘေးနားကခန္ဓာကိုယ်လေးကိုအသာပွေ့၍သူ့ရင်ဘက်သို့အပ်လိုက်သည်။အသက်ရှူသံသဲ့သဲ့ကြားနေရသော်ငြားရောင်ဝါကခဏတာမူးမေ့နေတဲ့ပုံ။စျေးသွားစျေးလာတွေကြည့်နေလား မကြည့်နေလားမသိတော့။ရောင်ဝါ့ နှာခေါင်းနားကိုသံပုရာသီးတစ်လုံးယူကာရှူခိုင်းစေလိုက်ပြီးနောက် ယပ်တောင်ကိုလဲအခပ်မပြတ်။
အရီးရင်စိန်နှင့်ယဥ်မြတို့နှစ်ယောက်မှာမူ စိုင်းဉာဏ်ရဲ့အခုလိုပုံစံကိုမမြင်ဖူးတာမို့ ကြောင်ကြည့်နေကြတာပင်။ဘယ်တုန်းကများ လူဂွစာစိုင်းဉာဏ်ကအခုလိုသူများကိုစိတ်ပူဖူးလို့လဲ။
"ဟင်း..."
"ဟဲ့ စိုင်းဉာဏ်ကောင်လေးသတိရလာပြီလားမသိဘူး"
"ရောင်ဝါ ရောင်ဝါ သတိရပြီလား"
နောက်ကျိမူးနောက်နေတဲ့ခေါင်းကိုအသာဖိကာမျက်လုံးကိုအားတင်းပြီးဖွင့်လိုက်တော့ မြင်လိုက်ရတာကစိုင်းဉာဏ်ရဲ့ညိုညက်ညက်မျက်နှာချောချော။ဒါအပြင်ရောက်နေသည့်နေရာက ထိုကောင်လေးရဲ့ရင်ခွင်တစ်နေရာမှန်းသူသိပါ၏။
"သား ရောင်ဝါ!"
"အန်တီယဥ်"
"သားရယ် ဘာဖြစ်တာလဲကွယ်"
"ရောင်ဝါက မူးလဲတာအန်တီ "
စိုင်းဉာဏ်ဝင်ဖြေလောက်တော့ ထိုအန်တီကရင်ဖက်ကိုဖိကာစိုးရိမ်သည့်ပုံစံ။
"အိမ်ပြန်ရအောင်သား ဖြည်းဖြည်းထနော်"
စိုင်းဉာက်တစ်ယောက်ရောင်ဝါ့ ကိုယ်လုံးလေးကိုအသာထူပေးကာ ရရဲ့လားဟုလည်းပါးစပ်ကမေးနေတာတစ်ဖွဖွ။
"ကျုပ်လိုက်ပို့မယ်လေ"
"နေပါစေစိုင်းဉာဏ် ရတယ်"
YOU ARE READING
နွေးထွေးသောချစ်ခြင်းများဖြင့်. . . .
Romance[Own Creation] Slow romance /BL A love story between two boys.
