မှန်အပြင်ဘက်က သဘာဝရှုခင်းတွေကိုကားပေါ်ကနေငေးရင်းလက်ထဲမှာပုံဆွဲစာအုပ်တစ်အုပ်နဲ့အတူ ခဲတံတစ်ချောင်းနှင့်။ဒီလိုနယ်ဝေး ခရီးမထွက်ရတာကြာပြီမို့ရောင်ဝါအတော်လေးစိတ်လှုပ်ရှားနေသည်။သူဇာနဲ့အတူ ရွာအလည်လိုက်မယ်ဆိုရော အန်တီယဉ်ကစိတ်မချသလို ဒယ်ဒီကတော့ထုံးစံအတိုင်း 'မင်းကဘာလို့အဲ့လိုရွာဘက်ကိုလိုက်သွားမှာလဲ'ဟူ၍အဆင့်အတန်းတွေပါ ထည့်ပြောလာပြန်သည်။
နှစ်ယောက်လုံးကိုနားလည်အောင်ရှင်းပြမှသာ လက်ခံသယောင်ရှိသည်။ဒါတောင်အတိုက်အခံပြောရတုန်း။ဒယ်ဒီ့တင်းကျပ်မှုတွေကို အခုနောက်ပိုင်းရောင်ဝါကလက်မခံတာများသလို ဒယ်ဒီကလဲအသက်ကြီးလာတော့ အရင်ကထက်စာရင်စိတ်တွေလျော့ထားတယ်ထင်ပါသည်။
"အကိုလေး အကိုလေး"
"ဘာတုန်းဟာ"
"ရောက်ပြီ "
"ဟမ် နင်ပြောတော့ရွာဆို"
"ဟာ အကိုလေးနှယ့် အခုကကားဝင်းရောက်တာ ရွာရောက်ဖို့က တုတ်တုတ်စီးရဦးမှာတော့"
"တုတ်တုတ်ဆိုတာက သုံးဘီးကိုပြောတာလား"
"အံမယ် အကိုလေး ဒါကျသိသား"
ရောင်ဝါကရယ်ကြဲကြဲဖြင့်သာနေလိုက်သည်။သုံးဘီးဆိုတာနဲ့မျက်လုံးထဲမှာ မြင်လာတာကစိုင်းဉာဏ်ကိုပင်။ဖလန်ထည်အနွေးထည်အကွက်နဲ့အတူ ချွေးသုတ်ဖို့သပတ်တစ်ထည်ကိုအမြဲတမ်းလည်ပင်းမှာပတ်ထားတတ်ပြီး ဝါးခမောက်ကလဲစောင်းထားတဲ့စိုင်းဉာဏ်က သုံးဘီးမောင်းနေတဲ့အခါမျိုးဆို သိပ်ကိုကြည့်ကောင်းသည်။
တွေးလက်စကိုရပ်ပြီး အထုတ်အပိုးတွေချကာ ကားပေါ်ကဆင်းလိုက်သည်။သူဇာကသူ့နယ်ဆိုတော့ အကုန်သိနေပေမယ့် ရောင်ဝါ့အတွက်တော့နေရာအဆန်းတွေပင်။ခဏကြာတော့သုံးဘီးတစ်စီးရောက်လာပြီး ခရီးဆက်ရ၏။ဖြတ်သွားဖြတ်လာဆိုင်ကယ်တွေကြောင့် ရွာလမ်းက ဖုန်အလိမ်းလိမ်းထနေသည်။ရောင်ဝါက မပေါ်ထပ်အင်္ကျီကိုချွတ်လိုက်ပြီးခေါင်းကိုအုပ်ထားလိုက်သည် ဖုန်တွေကတအားထလွန်း၏။
ရန်ကုန်ကနေကားစီးလာတာလဲ ၆နာရီတောင်ပြည့်လုနီးပါးဖြစ်သည်။အခုထိရွာရဲ့အရိပ်အယောင်မမြင်ရသေးသလိုရောက်ဖို့ကလဲလိုသေးသည့်ပုံ။ကားအကြာကြစီးလာရတာကြောင့်ဖင်တွေလဲပူလှပြီ။
YOU ARE READING
နွေးထွေးသောချစ်ခြင်းများဖြင့်. . . .
Romance[Own Creation] Slow romance /BL A love story between two boys.
