"အောက် အီး အီး အွတ်"
ကြက်တွန်သံညံညံကကျယ်လောင်တာမို့ စိုင်းဉာဏ်နိုးလာခဲ့သည်။အချိန်ကိုကြည့်လိုက်တော့မနက် ၆နာရီ။နိုးလက်စနဲ့မထူးတာမို့ပြန်မအိပ်တော့ဘဲ အိပ်ယာမှထဖို့ပြင်လိုက်သည်။ရောင်ဝါ့အားစောင်သေချာခြုံပေးခဲ့ဖို့တော့ သူမမေ့။
သွားတိုက်မျက်နှာသစ်ပြီးနောက် ထမင်းအိုးအရင်တည်လိုက်သည်။ထမင်းအိုးတည်နေစဥ်မှာ ခြံထဲကမြက်တွေရှည်နေပြီမို့ ဓားဖြင့်ရှင်းလိုက်၏။
ခဏကြာတော့ထမင်းအိုးရပြီ။သူ့တစ်ကိုယ်လုံးလဲချွေးနံ့နဲ့မြေကြီးနဲ့တွေနံနေတာကြောင့်ရေမချိုးလို့မရတော့။ရေချိုးပြီးရင်တော့ ရေဘူးကို့ဖို့သွားရမည်။ဒီနေ့ရေမှာထားတဲ့အိမ်တွေကများသည်။
"စိုင်းဉာဏ် "
"မျက်လုံးတွေအရမ်းမပွတ်နဲ့လေ မျက်စိနာမယ်ခင်ဗျားရဲ့"
အိပ်ယာနိုးနိုးချင်းပုံစံမှာ စိုင်းဉာဏ်မျက်လုံးထဲတော့ကလေးလေးတစ်ယောက်လို။
"ဘာလုပ်ထားတာလဲ ပေကျံနေတာဘဲ"
"အိမ်ဘေးကမြက်တွေရှင်းထားတာ နေ့ခင်းနေ့လည်ခင်ဗျားထိုင်ရင်မြွေပါးကင်းပါးရှိမှာဆိုးလို့"
"ဒါဆိုရေချိုးတော့လေ"
"အခုချိုးမှာ ခင်ဗျားမျက်နှာအရင်သစ်လေ"
"အင်း"
ရောင်ဝါ မျက်နှာသစ်ပြီးတဲ့နောက်မှာစိုင်းဉာဏ်ကရေချိုးပြီးအဝတ်အစားလဲ၍ ရေပို့ဖို့အတွက်သုံးဘီးကိုပြင်ရသည်။ဒီနေ့တော့စိုင်းဉာဏ်က ရောင်ဝါဆင်ပေးတဲ့စပန့်အကျီလက်တိုနှင့်ဦးဂျမ်းပုဆိုးတစ်ထည်နှင့်။အမြဲတမ်းစွပ်ကျယ်ဂျိုင်းပြတ်နဲ့မနေရဘူးဟု အမိန့်ထုတ်ထားတာကြောင့် ချစ်ရသူအမိန့်ကိုသူနားထောင်ပါ၏။
"ရောင်ဝါ ဘာလုပ်နေတာလဲ"
အပင်တစ်ပင်ကို အိမ်ဘေးရှိနှင်းဆီပန်းအိုးတွေဘေးမှာမြေအိုးဖြင့်သေချာကိုစိုက်နေပါသောသူ့ရဲ့အသဲညှာ။
"အပင်စိုက်နေတာလေ"
"ဘာအပင်တုန်း ခင်ဗျားရဲ့"
YOU ARE READING
နွေးထွေးသောချစ်ခြင်းများဖြင့်. . . .
Romance[Own Creation] Slow romance /BL A love story between two boys.
