"စိုင်းဉာဏ်"
"ဗျာ"
"ငါရေချိုးဖို့ ရေမရှိဘူး"
"ကျုပ်ရေမောင်းပေးမယ် ခဏလေးစောင့်"
"အင်း"
အိမ်ဘေးမှာထင်းခွဲနေရင်းဖြင့် ရောင်ဝါ့အသံကြောင့်ထိုနေရာမှထကာ ရေကပြင်သို့သွားလိုက်သည်။ရေညှိတတ်နေတဲ့ကြမ်းပြင်ကြောင့်သူတောင်လဲကျတော့မလို။နောက်နေ့တော့ဒီနေရာတွေကို ဘရက်ရှ်နဲ့နာနာတိုက်ပြစ်ရမည်။မဟုတ်ရင်ရောင်ဝါချော်လဲနေမည်။
ရေမော်တာက ရေဘယ်လောက်ချူပြီးမောင်းနေမောင်းနေ တစ်စက်ကလေးမှကျမလာ။ညဘက်တွေမောင်းမှရမယ်ထင်၏။
"စိုင်းဉာဏ် မရဘူးလား"
"အင်း ရေမလာဘူး"
"ငါရေချိုးမလို့ပါဆို ရေကလဲမလာဘူး"
နှုတ်ခမ်းဆူနေပြီဖြစ်တဲ့သူကြောင့် စိုင်းဉာဏ်ကြံရတော့မည်။အသန့်ကြိုက်လေးက တစ်နေ့ကိုရေနှစ်ခေါက်လောက်ချိုးသည်မဟုတ်လား။
"အိမ်နောက်ဖေးကရေတုန်ကင်မှာရေသွားနှိပ်ကြည့်ဦးမယ် ရရင်ကျုပ်ဆွဲထည့်ပေးမယ်နော်"
"ရအောင်လုပ်ပေးနော်"
"ဟုတ်ပါပြီဗျာ"
အဲ့ဒီနောက်ရောင်ဝါ့ပါးမို့မို့အသာလေးဆွဲကာ ရေပုံးကိုယူပြီးနောက် ရေတုန်ကင်ရှိရာအိမ်အနောက်ဘက်သို့ပြေးရတော့သည်။ထိုရေတုန်ကင်က အရီးရင်စိန်တို့နေကတည်းကသုံးခဲ့တာဆိုတော့အတော်ကိုကြာပြီ။မသုံးဘဲထားတာလဲကြာပြီဆိုတော့ရေရပါ့မလားတွေးပူနေတာအမှန်။
အပေါ်အောက်ကိုအားကုန်သုံးကာနှိပ်ချတော့ ရေအနည်းငယ်ကပုံးထဲသို့ကျသည်။စစချင်းဆိုတော့ရေနောက်တွေဖြစ်နေတာအမှန်။အနည်တွေပါတဲ့ နှစ်ပုံးသုံးပုံးလောက်ကိုသွန်ပြစ်ပြီးနောက် ချစ်ရသူချိုးဖို့ရေခပ်ရတော့သည်။
"ရောင်ဝါ ဒီမှာချိုးနှင့်"
"မင်းကသွားလေ ငါရေချိုးမလို့ပါဆ်ို "
"ဟောဗျာ ကျုပ်ရေဆွဲထည့်ပေးနေတယ်လေ ခင်ဗျားက ရတဲ့ရေလေးနဲ့ချိုးနှင့် မြန်မြန်ချိုးနော် အအေးပတ်မယ်"
YOU ARE READING
နွေးထွေးသောချစ်ခြင်းများဖြင့်. . . .
Romance[Own Creation] Slow romance /BL A love story between two boys.
