{فَاستَجَبنا لَهُ وَنَجَّيناهُ مِنَ الغَمِّ وَكَذلِكَ نُنجِي المُؤمِنينَ﴾
*بسرعة مشت لجنب مكتب ريموندا، لقت ناس كتيرة متلمية حولين شيء، أخدها الفضول ورجلينها ساقوها ناحيتهم، مشت عليهم بخطوات متباطئة وسمعتهم بيقولوا "يا لطيف اسعفوها سريع دي بتستفرغ بشكل ما طبيعي" هنا قلبها انقبض، فجأة باب مكتب ريموندا فتح وكانت ريموندا ومعاها ممرضين اتنين جاريين بسرعة خيالية ناحية السلم، اتوترت زيادة من حركة ريموندا وكانت عايزة تلحقها بس ما قدرت، اتنهدت وخشت بين الناس وهي بتقول ليهم "لو سمحتوا ممكن تبعدوا شوية"، لما وصلت للحاجة الكانوا متلميين حولينها اتصمغت محلها، عقدت حواجبها وضربت على صدرها بهلع...*
وتين: فاطمة؟؟؟! سجمي يا بت فاطمة مالك في شنو ودا شنو بتستفرغي كدا؟؟؟! وانتوا ياخي ياخوانا انتوا بدال ما تسعفوها...
*بسرعة قومتها من الأرض وسندتها عليها، طلعت من بين اللمة و بقت بتنادي بأعلى صوتها "يا جماعة يا سسترات ساعدونا يا ناس" بقت جارية بيها بسرعة وهي بتفتش في حد يساعدهم، فجأة فؤاد طلع من مكتبه وكان متجه على السلم، ندهت عليه بصوت عالي وجرت بيها ناحيته، كانت بتتنفس بسرعة من الخوف وبتتكلم معاه...*
وتين: دك دكتور فؤاد الله يخليك ساعدنا أسعفها بلييز اتصرف لينا بلييز
فؤاد: دقيقة دي فاطمة؟
وتين: أأ ااي بلييز ساعدها
فؤاد: بسم الله كمان مالها؟
*على طول شالها ومشى بيها بسرعة غرفة العمليات الصغيرة وهو بينده "يا ممرض،يا سستر"، دخل وراه ممرض شايل أكياس وحاجات، فضلت واقفة منتظراهم برة لمدة ما عارفة قدرها كم، كانت متوترة جدًا، وبتتحرك بإستمرار تمشي وتجي، لحدي ما باب الغرفة فتح وكان دا الممرض، جرت عليه بسرعة قبل ما يطلع ويمشي، وهي بتسأله بخوف ولهفة...*
وتين: لو لو سمحت حصل شنو فاطمة كويسة هي كويسة؟؟!
الممرض : أهدي وروقي الحمدلله كويسة حاليًا، بس هي أكلت حاجة ما نفعت معاها فسببت ليها تسمم
وتين: شنو؟؟ تسمم؟؟
الممرض: بس حاليًا كويسة أخدت دربات ووضعها رايق
وتين: طيب ممكن أدخل أشوفها؟
الممرض: أكيد، اتفضلي
وتين: طيِّب شكرًا
*دخلت بخطوات خفيفة لجوة عشان ما تسبب إزعاج، لقت فؤاد واقف جنب سرير فاطمة وبيتكلَّم معاها، كان بيتكلَّم معاها بلطف شديد وببشاشة، وهي راقدة وواضح جدًا من عيونها الما قادرة تشيلها عنَّه إنها مبسوطة وبتسمع ليه، وقفت محلَّها من غير حركة لأنها ما حبَّت تقطع ليهم كلامهم ولحظتهم دي، إلتفت علشان تطلع بس وقفها صوت فؤاد وهو بيقول ليها...*
