Unicode
................
အယ်လ် လျှိုမြောင်တွင်းမှာ ပိတ်မိနေပီး ရေဗန်နဲ့ တီလေးဆန်းကလည်း ပျောက်ဆုံးနေခဲ့သည်။ ထို့ကြောင့် အချိန်အတန်ကြာသည်အထိ ပြန်မလာတဲ့သူနှစ်ယောက်ကို ရှာဖွေဖို့ရာ ရှေ့ဆက်တိုးခဲ့သည်။
လျှိုမြောင်တွင်းက အောက်ခြေနဲ့နီးလေ ချုံနွယ်ပင်များက ပို၍ပင်များလာခဲ့သည်။ သူသတိထားဆင်းနေရင်း နောက်ကနေ သူ့ရဲ့ အပြာရောင်အမြှီးကြီးကို တစ်စုံတစ်ခုက လှမ်းဆွဲလိုက်တာကြောင့် အဝေးသို့ယှက်ကန်ယှက်ကန်နဲ့ ပါသွားရသည်။
သူမမြင်ရသည့် အရာကို ငုံ့ကြည့်လိုက်တော့ တုတ်ခိုင်နေတဲ့ လက်လိုအရာမျိုး... ဒါ့ကြောင့် သူ့မှော်ပညာနဲ့ အနည်းငယ်ရိုက်ထုတ်လိုက်ပေမဲ့ ထိုအရာကတော့ အလွှတ်မပေးသေးသည့်အပြင် သူ့အား အားပြင်းပြင်းနှင့် ဘေးနားက ကျောက်ဆောင်တွေပေါ်ကို ဆောင့်ရိုက်လိုက်တာကြောင့် မူးမေ့သွားရသည်။
နောက်ဆုံး အယ်လ်တစ်ယောက် ထိုလက်များစွာရှိသည့် သတ္တဝါလက်ထဲကနေ လျှိုမြောင်ရဲ့ အောက်ခြေအဆုံးနားထိ ရောက်သွားလို့ရောက်သွားမှန်းမသိလိုက်ပေ။
အယ်လ်အိပ်မက်တစ်ခုမက်နေခဲ့သည်။ ထိုအိပ်မက်ထဲတွင် ကောင်လေးနှစ်ယောက် အတူစား၊ အတူကစား နဲ့ အလွန်ပင်ချစ်ကြည်နူးဖွယ်ကောင်းလှသည်။ သို့သော် ထိုကောင်လေးရဲ့ မျက်နှာကို သူမမြင်ရ။ မည်သူမှန်းမသိပေမဲ့ သူထိုလူသားအပေါ်အလွန်ပင် လွမ်းဆွတ်နေခဲ့ပုံပင်။
ထိုကောင်လေးပြေးရာနောက်သို့ သူလိုက်ခဲ့သည်။ သို့သော်လည်း တစ်နေရာအရောက်မှာ ထိုကောင်လေးက သူ့အားထားပစ်ခဲ့လေသည်။ သူ့မှာမထားခဲ့ရန်အကြိမ်ကြိမ်တောင်းပန်ငိုယိုနေသော်လည်း ထိုသူကတော့သူ့အားလျစ်လျူရှုခဲ့ပေသည်။
အယ်လ်နိုးထလာတော့ သူက ဧရာမအကောင်ကြီးရဲ့ လက်ကြားထဲရောက်နေခဲ့သည်။ မျက်ရည်စတို့သည်လည်း မျက်နှာထက်တွင် ကပ်တွယ်လျက်။ သို့သော် သူခုလက်ရှိချိန်တွင် အိပ်မက်တွင်းရှိအကြောင်းအရာများအား မတွေးနိုင်ပါ။
အယ်လ်ခေါင်းမော့ကြည့်တော့ တောင်ကြီးတစ်တောင်နီးပါးလောက်ရှိတဲ့ ဧရာမ ခရာကန်ကြီးတစ်ကောင် သူ့ရဲ့ရေဘဝဲလက်တွေက ဘေးပတ်လည်တွင်ရှိနေပီး တစ်နေရာသို့ ဦးတည်ရွေ့လျားနေသည်။
YOU ARE READING
Once Upon In Deep Ocean (Completed)
RomancePdf file or other ways of making files များဘယ်fileမဆိုလုပ်ပြီး ဖြန့်ချီခွင့်မပြုပါဘူးနော်။ ရှောင်ဟုန်ရဲ့ တတိယမြောက် Fiction လေးပါ။ ဇာတ်လမ်းသည် ဖန်တီးသူရဲ့ စိတ်ကူးသက်သက်သာဖြစ်ပါတယ်။ Owncreation ဖြစ်လို့ အဆင်မပြေတာရှိရင် နားလည်စေချင်ပါတယ်။ 📢📢📢 Ple...
