فأذاقني النَّجوىٰ (الجزء الثاني من همسات العشق)

الغاليين😍

كتاكيتي الغاليين اللي وحشوني أوي أوي بجد🥺❤

عاملين ايه يا جدعان والله اشتقنا🙈

طبعا جيالكم ورقبتي قد السمسمة عارفة إنكم مستنيين الرواية لكن خليني احكيلكم على شوية كوارث حصلت معايا كده انما ايه عناب😂

أنا قعدت شهر تعبانة جدًا ومكنتش بقوم من السرير ولحد الآن أثر التعب فيا وده لأني مريضة فا أي شيء تأثيره بيكون وحش عليا، وبرغم ده كنت بحاول على ما اقدر اكتبلكم الفصول لأنكم ملكوش ذنب في تعبي أكيد

وقتها كتبتلكم فصل كامل حوالي 7000 كلمة
قام اتمسح🙂
استعذت بالله وقولت ماشي ولأني شخصية من طبعي الصبر الطويل ودي نعمة من الله كتبت الفصل تاني
واتمسح تاني🙂

طبعا حاسين بموقفي، مش متخيلين كمية التعب والإرهاق النفسي والذهني اللي بواجهه وأنا بكتب الفصل ويتمسح مرتين، كل ده وسط ضغط الثانوية العامة اللي أكيد مش هحكيلكم عنه وإن يومي كله بيكون برا البيت، المهم قولت ماشي بردو ورغم نفسيتي اللي تعبت حاولت أعصر دماغي تاني وكتبت الفصل للمرة التالتة
قام التليفون باظ🙂

مش هوصف شعوري وقتها طبعا أكيد وصلكم الإحساس كويس💔
عملت سوفت للفون ومعظم الحاجات ضاعت من عليه ومن ضمنهم رواياتي كلها، أنقذت ما يمكن إنقاذه، وقعدت فترة بحاول أجيب الروايات من تاني من المواقع في جوجل لحد ما جبتهم ولله الحمد.

أنا مريت بمرحلة والله والله لا أتمناها لألد أعدائي، لكن هل أنا بقول كل ده عشان أستعطف مشاعركم الكريمة تجاهي مثلا؟؟
إطلاقًا يا كتاكيت ركزوا معايا هنا😂

انتوا متابعيني من زمان، لا في يوم اتأخرت ولا خلفت معاد، ولا عملت زي الباقي واللي بيذلوا القراء بتوعهم ذلة الـ.كلا.ب حرفيا عشان ينزلولهم فصل آخره يكون 2000 كلمة وكله عبث، اللي يراهن بعدد ڤوت معين أو عدد كومنتس معين، وطبعا انتوا عارفين بقا وشايفين كتير، أنا مش جاية أنظَّر على روايات غيري، لكن أنا عمري ما كنت كده ولا هكون، بحاول أقدملكم شيء يعيش لسنين طويلة، واللي متابعني أكيد شايف إن مستوى الرواية اتغير وده للإضافات اللي بحطها، معلومات علمية ودينية وقصص من حياتنا الواقعية وأفكار كتيرة وشيء مفيد مش بكتب عجين أو عبث وخلاص، عايزاكم تخرجوا من روايتي باستفادة كبيرة وأحس إني تعبت في شيء يستاهل القراءة بجد.

وده لأني بني آدمة ملتزمة وده طبعي، ولو في يوم اتأخرت بتكون لظروف قهرية وانتوا عارفين، وإني بتعامل مع متابعيني على إنهم شيء عالي وراقي جدًا يستاهل كل الاحترام والتقدير، وانتم كده بالفعل❤

مع الوقت هتعرفوا إني بنفذ وعودي ولو على رقبتي، وعدتكم إني مش هنزل الرواية غير لما أكتبها كلها عشان أنزلهالكم مرة واحدة، لأنكم استحملتوا كتير وبجد شكرًا لكني مقبلش أخليكم تستنوا أكتر من كده أنتم على عيني وراسي والله.

الرواية في فصولها الأخيرة، وأنا تقريبًا فاضلي حوالي تلت فصول وأختمها وهبدأ التنزيل بدون تأخير أبدًا.
شكرًا لكل اللي سأل عني واعتذار حار للي معرفتش أرد عليه لكني شوفت كل رسايلكم على الرواية وعلى الخاص وبجد ربنا يديمكم ليا عائلة ثانية❤

وفي النهاية حبيت أقولكم كل سنة وانتم طيبين، كل سنة وانتم في طاعة الله ورعايته وحفظه، كل عام ونحن مسلمون، كل عام ونحن نشهد بأن لا إله إلا الله وأن محمدًا عبده ورسوله ونحن له عابدون❤

ألقاكم قريبًا يا كتاكيت❤.