Dosti🤝 Ka Saaya - Pyaar❤❤

CHAPTER 3 🎂

Sorry guys but main kya hi karu yeh network problems ka.

Mujhe hindi ke liye comments mile toh main aage ki story hindi me likhungi.
So, let's start.

Kuchh din baad unke exam khatam ho gye the aur ab KARISHMA ka birthday aane wala tha. Ab VIRAJ ne bhi unn sab se maafi maang li thi aur KARISHMA ne use maf kar diya tha.

MAYUR ne KARISHMA ke liye gift me ek photo frame liya tha jisme unn tino ke bahut sare photo the. HASEENA ne KARISHMA ke favourite writer ki ek book li thi jise voh bahut dino se kharidna chahti thi.

KARISHMA ke birthday wale din MAYUR aur HASEENA KARISHMA ke ghar pahunch jate hai aur party ki taiyari karte hai. Sab mehmaan aa gye the as KARISHMA ke jyada relatives nhi the sirf kuchh college friends hi aaye the.

Cake cut karne ke baad sab snacks and cold drinks enjoy kar rahe the. Tabhi VIRAJ chupke se uss kamre me gya jisme gifts rakhe the. Usne MAYUR ke gift ko kholkar usme se photo frame nikalkar usme ek swimming costume dal diya.

Usne MAYUR ke photo frame ko todkar jala diya aur vahan se bahar aa gya par HASEENA ne use gift badalte hue dekh liya tha. Usne jaldi se MAYUR ke gift ki packing khol kar apne gift par laga di.

Sab guest ke jane ke baad KARISHMA, HASEENA, MAYUR aur VIRAJ gifts dekhne lage. KARISHMA ko sab ke gifts theek lage. Phir usne MAYUR ka gift dekha toh apne favourite writer ki book dekhkar bahut khush ho gyi.

MAYUR confuse tha ki uska gift kaise badal gya par KARISHMA ko khush dekhkar kuchh nhi bola. Tabhi HASEENA ne VIRAJ se bhi KARISHMA ko gift dene ke liye kaha. VIRAJ ne bahut dhunda par use uska gift nhi mil raha tha.

Yeh dekhkar MAYUR hasne laga toh VIRAJ ko gussa aa gya aur voh vahan se jane laga. Jaise hi voh ghar ke bahar aaya HASEENA ne use ek jordar punch mara aur uska gift jo ek bracelet tha uske face pe fek diya.

HASEENA ne use KARISHMA se dur rehne ke liye kaha aur vahan se chali gyi. Idhar jab KARISHMA ne HASEENA ka gift dekhna chaha toh pta chala ki HASEENA ka gift bhi gayab ho gya tha.
Thodi der baat karne ke baad MAYUR aur HASEENA apne ghar chale gye.

Aise hi din beetne lage. Result aa gya tha aur new admissions bhi hone lage the. Ek din kuchh senior ladke new students ki ragging kar rahe the. Tabhi HASEENA ne vahan aakar unn ladko ko data aur new students ko bachaya. Unn me se ek ladki jiska naam ROSHINI tha voh apne man me sochne lagi - HASEENA. I like you.

Kuchh din baad VIRAJ HASEENA ke paas aaya aur usse kehne laga ki usne kuchh gangsters se dosti ki hai aur voh KARISHMA ko apna banakar hi rahega.
Ab HASEENA ko KARISHMA ki fikar hone lagi.

Ek din MAYUR ne HASEENA ko bataya ki ROSHINI usse HASEENA ke bare me puchh rahi thi kuchh first year ke notes ke liye aur KARISHMA ne uski help kar di.

MAYUR: HASEENA vaise ROSHINI ek achhi ladki hai aur tujhe pasand bhi karti hai. Tum dono bhi ek sath relationship me aa jaao.
HASEENA: Hatt pagalon jaisi baat mat kar. Main toh pyar shadi ke baad hi karungi.
MAYUR: Chal yar kitni boring hai tu.
Aise hi baat karne ke baad voh dono ghar chale gye.

Kuchh din baad VIRAJ apne mom dad ko lekar KARISHMA ke ghar le gya. Usne KARISHMA ki mummy ko kaha ki voh KARISHMA se pyar karta hai aur usse shadi karna chahta hai. Uski baat sunkar KARISHMA aur uski mummy shock ho gye.

KARISHMA ki mummy ko MAYUR aur KARISHMA ke bare me pta tha kyuki KARISHMA apni mummy se kuchh nhi chhupati thi. Isliye KARISHMA ki mummy ne VIRAJ aur uske parents ko mana kar diya.

VIRAJ ke jane baad KARISHMA ne HASEENA ko sab kuchh bta diya. Ab HASEENA ko KARISHMA ki aur bhi jyada chinta hone lagi.

Kuchh din baad MAYUR ka birthday tha toh usne apni car se HASEENA aur KARISHMA ko pick kiya aur apne ghar le gya. Voh cake cut kar rahe the ki tabhi KARISHMA ko kisi ka call aaya. Call karne wale person ki baat sunkar KARISHMA ekdum numb ho gyi.

HASEENA aur MAYUR KARISHMA ki halat dekhkar dar gye aur MAYUR ne jaldi se phone lekar baat ki toh uske haath se bhi phone chhut gya.

KARISHMA ki mummy ka accident ho gaya tha aur kuchh log unke hospital le gye the. KARISHMA ko phone unhi me se ek insaan ne kiya tha. Teeno jaldi se car me city hospital pahunche toh pta chala ki accident bahut hi major tha aur patient apni aakhiri saanse le rahi hai.

Kuchh hi der me MAYUR ke parents bhi vahan pahunch gye. HASEENA KARISHMA ki mummy se milne gye kyuki KARISHMA aur MAYUR neeche bane mandir me haath jode khade the.

KARISHMA ki mummy ne HASEENA ko apne paas bulaya aur usse kaha, HASEENA beta, please mujhse ek wada karo ki tum hamesha KARISHMA ka khayal rakhoge. Use kabhi akela mat padne dena. Wada karo beta please.

HASEENA ne kaha, Aunty Main hamesha KARISHMA ke sath rahungi aur uska khayal rakhungi. Yeh mera wada hai. HASEENA itna hi keh paayi thi ki KARISHMA ki mummy ki dhadkan ruk gyi aur unki death ho gyi.

KARISHMA ko Jaise hi pta chala ki uski mummy ki death ho gyi hai voh tut gyi. Jis himmat se usne khud ko control kiya hua tha voh himmat bhi tut gyi aur voh rone lagi.

Bahut der tak voh aise hi apni mummy se lipatkar roti rahi toh HASEENA ne doctors se request karke KARISHMA ko beoshi ka injection lagewaya aur use ghar le gya. KARISHMA ka koi bhai nhi tha isliye HASEENA ne voh sare kaam pure kiye jo ek beta karta hai.

Kuchh der baad hi KARISHMA ke Mama mami vahan pahunch gye aur KARISHMA ki mummy ka antim sankar karwaya gya. Ab HASEENA aur MAYUR ko samajh nhi aa raha tha ki voh KARISHMA ko kaise sambhalenge.

Abhi ke liye itna hi.

Bye doston 👋