Dosti🤝 Ka Saaya - Pyaar❤❤

CHAPTER 46 😊

Hii friends. I am back but even then updates will be slow as abhi toh exam time hai. Exams khatam hone ke baad regular updates aayenge. Abhi iss story ka part pending tha toh isi ka part likha hai.

Room me jaakar HASEENA KARISHMA se baat karne lagte hai. Baat karte karte hi HASEENA ko nind aa jati hai. Kuchh der baad SANTOSH door pe knock karti hai. Knock ki awaj se HASEENA ki aankh khulti hai aur HASEENA door khelte hai. HASEENA ke gate kholte hi sabhi birthday caps pehekar room me aa gye. SANTOSH ke haathon me ek cake tha jispe candles lagi thi.
Dadi: HASEENA so gye the??
HASEENA: Jii dadi aankh lag gyi thi.
Dadi: Koi baat nhi. Chal cake cut karte hai.
HASEENA: Ji dadi.

Ab HASEENA ne KARISHMA ko bed ke sahare se bithaya aur KARISHMA ka hath pakadkar cake cut karwaya. Cake cut karne ke baad HASEENA ne cake ka ek chhota sa piece KARISHMA ki taraf badha diya.
HASEENA: Lo KARISHMA.
SANTOSH: Jaldi kha lijiye bhabhi varna bro hi kha lenge.
HASEENA: Tum raho dieting pe. Hum sab toh cake ko nhi chhodne wale.
Dadi: HASEENA beta KARISHMA ka gift to lekar aa.
HASEENA: Ji dadi.

Iske baad HASEENA apni almirah me se ek box nikalkar late hai. Uss box me ek 3 piece necklace set tha jo bahut hi jyada sundar tha. Dadi HASEENA se KARISHMA ko necklace pehnane ko kehti hai. HASEENA bhi voh set KARISHMA ko pehna dete hai. Yun toh necklace set bahut sundar tha par KARISHMA ke gale me necklace ki sundarta badh gyi thi. Kuchh minutes baad sabhi apne rooms me chale gye. HASEENA ne KARISHMA ko lita diya aur khud bhi so gye.

Agle din HASEENA subah uthkar ready ho gye. Aaj HASEENA KARISHMA ko lekar mandir jane wale the. Nurse ne bhi KARISHMA ko ready kar diya tha. Iske baad HASEENA KARISHMA ko lekar mandir ke liye nikal jate hai. Mandir pahunchkar HASEENA ne pooja ka saman liya. Ab pareshaani yeh thi ki HASEENA KARISHMA aur pooja ka saman dono ko kaise le jaate. Tab HASEENA ne ek lady se madad ke liye request ki. KARISHMA ki halat dekhkar voh lady unki pooja ki thali lekar chalne lagi. HASEENA bhi KARISHMA ko god me liye hue mandir ki seedhiyan chadhne lage.

Mandir pahunchkar HASEENA ne uss lady ko Thanks kaha. Uss lady ne unki pooja ki thali pandit ji ko de di. HASEENA ne pandit ji ko KARISHMA ke theek hone ke liye pooja karne ko kaha. Pandit ji ne pooja ki aur kuchh phool aur prasad  HASEENA ko de diya. Pooja karwane ke baad HASEENA KARISHMA ko le jane lage. Tabhi kuchh dur ek ped ke niche baitha ek jyotish unhe dekhkar smile karne laga.
Jyotish: Aa hi gyi tum dobara yahan. Yhi hai voh jo sirf aur sirf tumhare liye hi iss duniya me aaya hai. Bas ek pariksha aur phir tum dono hamesha ke liye ek ho jaaoge.

[Readers: Writer ji abhi story me aur kya kya laaoge 🧐??
Me: Abhi toh bahut kuchh baki hai par ab 90% cheezein achhi hi hongi]

[A little flashback:-
Kuchh 1 saal pehle ek baar KARISHMA issi mandir me apni maa ke sath aayi thi. KARISHMA ki maa ko jyotish aur future dekhne me interest tha. Uss jyotish ne ek baar KARISHMA ka hath dekhkar kaha tha.
Jyotish: Tumhari kahani khud mahadev ne likhi hai. Jaldi hi tum uss person ke sath yahan aaogi jo sirf tumhare liye bana hai. Uske baad tumhari sari khushiyan mil jaayengi.

Flashback ends]

Mandir me jab pandit ji KARISHMA ke liye pooja kar rahe the tab KARISHMA ki fingers me kuchh movements hui thi. KARISHMA ke liye pray karte hue HASEENA ko inn movements ka pta nhi chala. Iske baad HASEENA KARISHMA ko lekar aaye aur use apne room me lita diya. Pooja ka prasad Noor Ji ko dekar HASEENA office ke liye nikal gye.

Idhar KARISHMA ke dimag me ek sapna sa chalne laga. KARISHMA ne feel kiya ki voh apni maa ki god me sir rakhkar leti hui hai.
KARISHMA Mom: Bahut samay ho gya beta. Ab tumhare vapas jane ka samay aa gya hai.
KARISHMA: Nhi maa. Mujhe kahin nhi jaana. Mujhe aapke paas hi rehna hai.
KARISHMA Mom: Beta koi hai jise tera intezaar hai. Uske liye tujhe lautna hoga. Udhar dekh.

Itna kehkar KARISHMA ki mom gayab ho jati hai. Iske baad KARISHMA uss taraf dekhti hai jis taraf uski mom ne ishara kiya tha. KARISHMA ne dekha ki ek person gadi ke tyre ko dekh raha tha. KARISHMA uss gadi me baithi thi. Tabhi koi peeche se uss person ke sir pe marta hai. Yeh dekhkar KARISHMA jor se cheekhi "nhi........."

Iss samay Noor Ji kitchen me thi. Ek pal ko toh unhe yakin nhi hua ki yeh KARISHMA ki awaj thi. Iske baad bhi sabhi HASEENA ke room ki taraf bhaage. Room me sabne dekha ki KARISHMA bed pe baithi hui thi. KARISHMA ke uthne se sabhi bahut khush ho gye. Ashraf Ji ne jaldi se doctor ko phone kiya. Idhar SANTOSH ne bhi HASEENA ko phone kiya. HASEENA iss time ek meeting me the par KARISHMA ka naam sunte hi HASEENA meeting chhodkar ghar ke liye nikal gye.

Kuchh hi der me HASEENA ghar pahunch gye. Usne dekha ki sabhi KARISHMA se baat karne ki koshish kar rahe the. Par KARISHMA ko toh jaise kisi ki baat samajh nhi aa raha thi. Tabhi doctor bhi HASEENA ke ghar pahunch gye. Iske baad doctor ne KARISHMA ko check kiya.

Noor Ji: Doctor KARISHMA hamari baaton ka jawab kyu nhi de rahi hai.
Doctor: Dekhiye accident me inke dimag me chot lagi thi jisse yeh coma me gyi thi.
HASEENA: Ji doctor.
Doctor: Ab 2 saalon se inka dimag bilkul blank tha. Isliye yeh aapko pehchaan hi nhi rahi hai.
HASEENA: Doctor KARISHMA ki memory....
Doctor: Nhi aisa kuchh nhi hai. Inki memory me koi loss nhi hua hai.
Noor Ji: KARISHMA ko yaad kaise aayega doctor.
Doctor: Inhe dheere dheere sab kuchh yaad aayega. Inke dimag bilkul starting se sab kuchh yaad karega. Normally sabhi ko 1 se 2 ghante me sab kuchh yaad aa jata hai.
HASEENA: Okay doctor.
Doctor: Inhe hosh aa gya hai par inki body abhi kamjor hai. So inhe 2 se 3 din bed rest dijiye. Ab main chalta hu.
Ashraf Ji: Thank you doctor.

Iske baad sabhi apne apne kaam me lag gye. HASEENA bhi couch pe baithkar laptop me kaam karne lage. Ab KARISHMA ko bhi kuchh kuchh baatein yaad aa rhi thi. Kuchh der baad HASEENA ke phone pe ROSHINI ka call aata hai. ROSHINI ne call pe kuchh kaha to HASEENA bole
HASEENA: Hum toh kab se taiyaar baithe hai. Tumhi der kar rahi ho shaadi me.

Tab tak KARISHMA ko sab kuchh yaad aa gya tha. KARISHMA bhi HASEENA ko ROSHINI se shaadi ke liye baat karte hue sun leti hai. HASEENA ki inn baaton se KARISHMA lo lagne laga ki HASEENA aur ROSHINI shaadi karne wale hai. Kuchh minutes baad HASEENA call cut kar dete hai.
KARISHMA: HASEENA.......
HASEENA: Kya kaha tumne ek baar phir se kaho😃.
KARISHMA: HASEENA.......
HASEENA: Haa kaho🙂.
KARISHMA: Mujhe MAYUR se baat karni hai😤.
HASEENA: Okay.

Iske baad HASEENA MAYUR ko call karte hai par MAYUR busy hone ke karan phone nhi utha pata. MAYUR HASEENA ko busy hone ka message karta hai aur kal milne ko bol deta hai. HASEENA MAYUR ka message KARISHMA ko dikha dete hai. Ab shaam ho chuki thi toh sab dinner karne hall me aate hai. HASEENA sabko bata dete hai ki KARISHMA ko sab yaad aa gya tha. Iss baat se sabhi bahut khush ho jate hai. Dinner ke baad sabhi sone chale jate hai.

KARISHMA aur MAYUR ke beech kya baatein hongi yeh next part me btaungi. Ek aur baat friends yeh ki aap log story me abhi kaisa progress chahte hai. Abhi ke kuchh parts emotional the toh kuchh ache parts dikhau jisme sabhi characters ki bonding ho aur thodi masti bhi. Ya phir direct HASEENA aur KARISHMA ki shaadi karwa de kyuki ho sakta hai ki shaadi se story thodi rush ho jaaye. Btaiye aap log kya chahte hai. Next part jaldi hi aayega. Bye friends.