Dosti🤝 Ka Saaya - Pyaar❤❤

CHAPTER 44 ❤

Hii friends. Chaliye agla part shuru karte hai.

KARISHMA ko pichhe se kisi ki aahat sunayi di. KARISHMA pichhe mude bina hi boli.
KARISHMA: Main tumse kuchh kehna chahti hu. Jab bhi tum mere paas hote ho mujhe bahut sukoon milta hai. Tumhare bina har pal sadiyon jaisa lagta hai. Mujhe tumse pyaar ho gya hai aur main apni puri zindagi tumhare sath bitana chahti hu. I Love You.

Itna kehkar KARISHMA ne apne pichhe khade person ko gale laga liya. Jaise hi KARISHMA ne uss person ko gale lagaya use ehsaas ho gya ki yeh HASEENA nhi hai. Tabhi lights chalu ho gyi aur KARISHMA ne dekha ki HASEENA samne hi kuchh dur haath me ek gulaab liye khade the. KARISHMA ne notice kiya HASEENA ki aankhon me aansoo the. Tabhi KARISHMA uss person se thoda dur hui aur usko dekhte hi KARISHMA ke hosh udd gye.
KARISHMA: MAYUR...........

MAYUR ka naam sunkar HASEENA bhi shock ho gye.
HASEENA: MAYUR....

HASEENA ke muh se apna naam sunkar MAYUR piche palta. Usne bhaag kar HASEENA ko gale laga liya aur rone laga.
HASEENA: Kaisa hai tu?? Tabiyat kaisi hai teri??
MAYUR: Bilkul bhi theek nhi hu. Tum dodo ke bina bilkul theek nhi tha main 😭😭.

Yahan HASEENA aur MAYUR ek dusre ke gale lagkar ro rahe the. Idhar KARISHMA ko toh hosh hi nhi tha. Tabhi KARISHMA behosh hokar niche gir padi. KARISHMA ke girne ki aahat se MAYUR aur HASEENA ne pichhe mudkar dekha. Dono hi bhagkar KARISHMA ke pas pahunche. Unn dono ne KARISHMA ko uthane ki bahut koshish ki par KARISHMA ko hosh nhi aa raha tha. Tabhi MAYUR ne HASEENA se KARISHMA ko ghar le chalne ko kaha.
HASEENA: Main gadi nikalte hu. Tum KARISHMA ko niche lekar aao.
MAYUR: Theek hai.

Itna bolkar HASEENA niche parking me chale gye. MAYUR ne KARISHMA ko god me uthaya aur parking ki taraf le jane laga. Jab MAYUR KARISHMA ko niche lekar aa raha tha tab RAHUL aur DIVYA ne unhe dekh liya. DIVYA aur RAHUL hairaan pareshaan unhe dekh rahe the.
DIVYA: RAHUL yeh kaun hai jo KARISHMA ko apni god me lekar jaa raha hai 😧??
RAHUL: Voh laut aaya hai 😑.
DIVYA: Kaun 😲??
RAHUL: MAYUR 😑.
DIVYA: Ab kya hoga RAHUL??
RAHUL: Pta nhi. Jab hum itna bura laga hai toh HASEENA par kya beet rahi hogi.
DIVYA: Hum bas pray kar sakte hai ki sab theek ho.

Kuchh hi der me HASEENA aur MAYUR KARISHMA ko lekar HASEENA ke ghar pahunch gye. Ghar jaakar HASEENA ne door bell bajayi. Door bell sunkar Noor Ji jhoomti hui gate kholne aayi. Unhe umeed thi ki HASEENA aur KARISHMA ne ek dusre ko apne dil ki baat keh di hogi. Noor Ji ne gate khola toh MAYUR ko dekhkar shock ho gyi. Noor Ji ne khud ko sambhala aur sabhi ko andar aane ko kaha. Tab tak doctor bhi HASEENA ke ghar aa gyi thi. Jise HASEENA ne raste me hi call kar diya tha.

Tabhi SANTOSH ghar aayi aur voh bhi MAYUR ko dekhkar shock ho gyi. HASEENA ne MAYUR se KARISHMA ko uske room me le jaane ko keh diya. Doctor ne KARISHMA ko check kiya aur injection diya.
Doctor: Thakan aur kamjori ki wajah se behosh ho gyi hain. Acha hoga ki aap kal tak inhe sone de.
HASEENA: Jii doctor.

Iske baad doctor chali gyi aur sab hall me aakar baith gye. Noor Ji ne HASEENA aur MAYUR ko juice laakar diya.
Noor Ji: MAYUR beta yeh sab kaise hua?? Hume toh yhi bataya gya tha ki tum.....
MAYUR: Yhi ki main mar chuka hu.
HASEENA: 😶.
MAYUR: Main mara nhi tha. Bas sir aur spinal chord me chot lagne ki wajah se hosh me nhi tha. Meri mom ne hi dad lo force kiya tha ki voh sabko keh de ki main mar chuka hu. Main HASEENA aur KARISHMA se milna chahta tha par kuchh nhi kar paa raha tha. Theek hote hi sabse pehle main KARISHMA aur HASEENA se milne aa gya.

Main kal raat ko India aaya tha. Aaj inn dono ko surprise dena chahta tha par yhan toh KARISHMA ne hi mujhe yeh surprise de diya. MAYUR ki baat sunkar HASEENA SANTOSH aur Noor Ji samajh gye ki yeh misunderstanding hai. KARISHMA ko toh pta bhi nhi tha ki MAYUR zinda hai.
MAYUR: HASEENA tumhe pta hai KARISHMA ne mujhe propose kiya tha.
HASEENA (fake smile): Yeh toh bahut achhi baat hai.
MAYUR (in mind): Yeh itna bhi acha nhi hai HASEENA. Yeh kaisa mod liya hai meri zindgi ne?? KARISHMA ke theek hote hi main use sab kuchh sach sach bta dunga.
MAYUR: Theek hai HASEENA. Main kal KARISHMA ko apne ghar le jaaunga. Abhi main chalta hu🙂.
HASEENA: Theek hai 🙂.