Jab KARISHMA ne apni mummy ki dead body ko aag me jalte hue dekha toh use yakin ho gya tha ki jisko abhi tak ek bura sapna sochna chahti thi voh sab sach hai. Kuchh der baad HASEENA use ghar le gyi.
Jo KARISHMA kal tak bas roye jaa rahi thi ab voh bilkul shant ho gyi thi. Ghar jaakar voh chup chap apne jaakar bed pe baith gyi.
2 din ho gye the usne na hi kuchh khaya piya tha aur na hi soyi thi. Badi mushkil se PUSHPA JI (KARISHMA ki Mami) ne use nahane ke liye bheja aur bahar aakar HASEENA aur MAYUR se baat karne lagi.
ABHAY SINGH(KARISHMA ke Mama): Beta hum jante hai ki tum dono KARISHMA ke bahut achhe dost ho lekin tum dono bhi toh har pal uske sath nhi reh sakte.
PUSHPA Ji: Isliye hum KARISHMA ko apne sath Australia le jaana chahte hai aur iss ghar ko hum band kar denge.
HASEENA aur MAYUR kuchh bol pate usse pehle hi KARISHMA pichhe se bol padi. Yeh ghar band nhi hoga. Iss ghar me mere mummy papa ki yaadein basi hui hai aur main yahan se kahi nhi jaungi. Yeh mera aakhiri faisla hai.
Ab KARISHMA bahut badal gya thi voh ab apne kamre me band nhi rehti thi balki ghar ki saf safai karti market se saman lati aur mami ki kaam me help bhi karti. Khali samay me padhai bhi karti.
KARISHMA khud ko badalne ki koshish kar rahi thi. Voh har samay khud ko busy rakhti. KARISHMA khud ko majboot banane ki koshish kar rahi thi par isme voh purani wali KARISHMA kahi kho gyi thi.
13 din baad terahvi hui. Sab relatives aaye aur aakar chale gye. Agle din mama mami ko bhi jana tha. Unhone KARISHMA ko bahut manaya par KARISHMA unke sath jane ko taiyaar nhi hui. Unhone KARISHMA ko jarurat padne par phone karne ko kaha aur turant pahunch jane ka wada karke agle din voh bhi chale gye.
Ab KARISHMA ke ghar me sirf voh aur uski mummy ki yaadein hi reh gyi thi. KARISHMA ne college jana shuru kar diya tha par ab voh HASEENA aur MAYUR se bhi bahut kam baat karti thi.
HASEENA aur MAYUR har samay KARISHMA ko khush rakhne ki koshish karte. Use hasane ke tarike dhundte par KARISHMA ko koi farak nhi pad raha tha. HASEENA aur MAYUR se KARISHMA ki Yeh halat dekhi nhi jaa rahi thi.
MAYUR: HASEENA Yeh hamari KARISHMA nhi hai. Yeh bilkul badal gyi hai.
HASEENA: Haan hume kuchh karna hoga. Hume apni KARISHMA ko vapas lana hoga.
MAYUR: Haa Buddy. Please kuchh kar.
Ek din KARISHMA college library me baith kar notes bana rahi thi. Tabhi HASEENA vahan aayi aur uska haath pakad kar use college ke terrace par le gyi.
KARISHMA: HASEENA mujhe yahan kyu laayi ho. Haath chhodo mera mujhe jana hai.
HASEENA: Hosh me aao KARISHMA yeh tum kya kar rahi ho. Kya halat bana li hai tumne apni. Kyu khud ko itna dard de rahi ho??
KARISHMA: Koi takleef ya dard nhi hai mujhe. Tum apna kaam karo aur mujhe mere haal par chhod do.
Itna kehkar KARISHMA vahan se jane lagi toh HASEENA ne uska haath pakad kar use roka aur uske gaal par ek thappad maar diya.
KARISHMA ko marne ke baad HASEENA ne kaha, Jaise mere marne pe tumhe dard hua aise hi mujhe aur MAYUR ko bhi ho raha hai tumhe aise dekhkar.
Thappad khakar jaise KARISHMA hosh me aa gyi thi. Voh HASEENA ke gale lagkar jor jor se rone lagi. Aaj HASEENA ne KARISHMA ko chup nhi karaya kyuki voh chahti thi ki KARISHMA ka sara dukh pighal kar bahar aa jaaye.
Uss din HASEENA aur MAYUR dono hi KARISHMA ko ghar chhodne gye aur KARISHMA ne unn sab ke liye chai nashta bhi banaya. Aaj bahut din ke baad KARISHMA muskura rahi thi.
Kuchh der baad MAYUR ne KARISHMA se hostel me shift ho jane ke liye kaha toh KARISHMA ne turant hi mana kar diya. MAYUR aur HASEENA ke bahut jyada kehne par KARISHMA ko ek maid rakhne ke liye haa karni padi.
Agle din se KARISHMA ke ghar KAMLI naam ki ek 20 saal ki ladki kaam karne lagi. KAMLI ka iss duniya me koi nhi tha aur use rehne ke liye kisi jagah ki jarurat thi. Isliye voh KARISHMA ke sath hi uske ghar me rehti.
Ab KARISHMA ki mummy ki death ko 1 mahina ho gya tha. Dheere dheere sab kuchh sahi ho raha tha. Vaise toh MAYUR aur HASEENA KARISHMA ko paison ki koi kami nhi hone dete the par bhi KARISHMA khali time me bachhon ko tuition padhane lagi.
KAMLI ek badi behan ki tarah KARISHMA ka khayal rakhti. Ek din KARISHMA bachhon ko tuition padha rahi thi tabhi ek delivery boy ek parcel deliver karke gya.
KARISHMA ne parcel khola toh usme ek gudiya thi jo khoon se sani hui thi aur uski gardan tuti hui thi. Uske sath hi ek card tha jispe likha tha tumhara bhi yhi haal hoga.
Yeh dekhkar KARISHMA bahut dar gyi. KAMLI ne use darte hue dekha toh tution wale bachhon ki chhoti kar di. Usne jaldi se HASEENA aur MAYUR ko phone kiya aur KARISHMA ko sambhalne ki koshish karne lagi.
MAYUR aur HASEENA ne bhi ghar aakar KARISHMA ko samjhaya. Uske baad voh teeno police complaint karne gye.
Kuchh dino baad college me annual function hone wala tha. MAYUR ne bhi HASEENA aur KARISHMA se participate karne ke liye puchha toh dono maan gye.
Unn teeno ne dance me naam likhwaya kyuki gaana gaane ke liye achhi awaj chahiye thi varna ande aur tamatar padte. Ab pareshaani thi HASEENA ke liye partner dhundne ki kyuki MAYUR aur KARISHMA ek sath dance kar rahe the.
Abhi bas itna hi.
Question : Hello Readers!! Aap kya chahte hai KARISHMA kiske sath dance kare?? Aapko konsi jodi chahiye??
MAYUR and KARISHMA
Ya fir
HASEENA and KARISHMA
Tell me in comments.
आप पढ़ रहे हैं
Dosti🤝 Ka Saaya - Pyaar❤❤
RomanceAn unusual love story of three friends. Just start reading!!
