Dosti🤝 Ka Saaya - Pyaar❤❤

CHAPTER 37 🤨

Hii friends. Lijiye friends aaj ka part.

Agle din HASEENA ki aankh KARISHMA ki payal ki chham chham se khuli. Sabhi sath baithkar breakfast kar rhe the.
Ashraf Ji: Ab gaon bhi dekh liya aur pooja bhi ho gyi hai. Kal shehar ke liye nikalte hai. Mera kai dino ka kaam pending hai office me.
Dadi: Theek hai jaisa tum sabko theek lage. HASEENA beta gadi book kar lena.
HASEENA: Ji dadi.

Shehar jane ki baat sunkar KARISHMA thodi udas ho gyi kyuki gaon use achha lagne laga tha. Gaon me KARISHMA ka man lagne laga tha. Kuchh der baad HASEENA SANTOSH aur KARISHMA gaon me apne khet dekhne gye. KARISHMA khet dekhkar bahut excited thi aur unme ghumne lagi. Iss mauke ka fayda uthakar SANTOSH ne KARISHMA ki kai sari photos le li. Tabhi unhe SANDEEP mila toh HASEENA SANDEEP ke sath chale gye. KARISHMA aur SANTOSH bhi ghar chale aaye.

SANDEEP: Kya yrr abhi kuchh din pehle hi tum sab aaye the aur kal jaa rahe ho??
HASEENA: College ki chutiyan bhi toh khatam hone wali hai. Papa ka kaam bhi pending hai.
SANDEEP: Acha theek hai. Vaise I Love You bola bhabhi ko.
HASEENA: Are tu bhi kya baat lekar baitha hai.
SANDEEP: Are uss din tune hi toh bola tha ki bhabhi ko I Love You bolna hai.
HASEENA: Aisa kab kaha maine??
SANDEEP: Jis din tujhe nasha ho gya tha.
HASEENA: Are voh nashe me bola hoga. Bataya toh tha tujhe ki KARISHMA ko yeh sab pasand nhi hai.
SANDEEP: Teri wali alag hai yrr. Humari toh maar maar ke I Love You bulwati hai.

Kuchh der baat karne ke baad HASEENA bhi ghar aa jate hai. Sabhi lunch karte hai aur packing karne lagte hai. KARISHMA jane se pehle kuchh waqt Jamuna Kaki ke sath bitana chahti thi. Isliye KARISHMA kitchen me jamuna Kaki ke paas chali gyi.
Kaki: Aao bitiya, kuchh chahiye tha??
KARISHMA: Nhi kaki. Kal hum jaa rahe hai toh aapse baat karne chali aayi.
Kaki: Bahut acha kiya bitiya. Hume bhi tumse kuchh puchhna tha.
KARISHMA: Kahiye na kaki....
Kaki: Bitiya tumhari aur HASEENA beta ki jodi bahut sundar hai. Tum dono sath me khush bhi dikhte ho par phir bhi tumhare rishte me kuchh kami si dikhai hai....
KARISHMA: Main kuchh samjhi nhi kaki....
Kaki: Bitiya tumhare rishte me voh baat nhi dikhti jo ki pati patni ke rishte me hoti hai. Tum dono sath hokar bhi sath nhi lagte.
KARISHMA: 😐😞
Kaki: Koi baat hai kya bitiya?? Kya tum HASEENA ko pasand nhi karti ya koi aur baat hai??

Kaki ki baat sunkar KARISHMA ko purani baatein yaad aane lagi. Use yaad aane laga ki kaise majboori me unki shaadi hui thi. Kaise shaadi ke baad bhi VIRAJ ne KARISHMA ki izzat se khelne ki koshish ki thi. Isse KARISHMA ki aankhon me aansoo aa gye. KARISHMA ko rota dekhkar kaki ne use shant kiya.
Kaki: Hum jante hai bitiya ki tumhare maa baap iss duniya me nhi hai. Hume apni maa samajhkar hi bta do.

Kaki ne KARISHMA ko shant karaya aur pani diya. Paani peekar KARISHMA ne kaki ko sari baat batayi aur phir se rone lagi. Iss baar kaki ne use apne gale se laga liya.
Kaki: Bas bitiya. Shant ho jaao. Kitna dard apne dil me liye ghumti ho tum.

Iske baad KARISHMA kaki ki god me sir rakhkar unki baat sunne lagi.
Kaki: Bitiya kisi ke chale jane se zindagi nhi rukti. Zindagi sabko dusra mauka deti hai aur tumhe bhi mila hai.
KARISHMA: Aap kya kehna chahti hai kaki??
Kaki: Tumhe zindagi ne dusra mauka diya hai khush rehne ka. HASEENA ke roop me. Mana ki kabhi tumne MAYUR se pyar kiya hoga par ab MAYUR iss duniya me nhi hai.
KARISHMA: Lekin kaki hamari shaadi majboori me hui thi.
Kaki: Kaise bhi hui ho bitiya par shaadi toh hui hai na. Ho sakta hai ki tumhari kismat me HASEENA ka hi sath ho. Tabhi toh har musibat se tumhe bacha liya hai usne. Itne farz toh koi asli shaadi me bhi nhi nibhata jitne HASEENA ne iss shaadi me nibahye hai.

KARISHMA: Farz toh HASEENA ne bahut nibhaye hai kaki par iss rishte ka kya future nhi hoga?? 6 mahine baad hum alag ho jaayenge. Uske baad HASEENA ki shaadi kisi aur se ho jaayegi.
Kaki: Yeh sab bekar ki baatein hai bitiya. Tum batao tum HASEENA ko bhula kar aage badh paaogi??
KARISHMA: Shayad nhi🙄.
Kaki: Phir kyu alag hona hai🙂?? Tum dono ek dusre ko pura karte ho bitiya. Tumhe iss rishte ko ek mauka dena chahiye.

Kaki ki baat se KARISHMA soch me pad gyi. KARISHMA apne aur HASEENA ke rishte ke bare me jitna sochte utna hi jyada ulajh jati. KARISHMA ko sochta dekhkar kaki ne use pyar se samjhaya.
Kaki: Itna mat socho bitiya. Main toh bas yeh kehna chahti thi ki ek baar iss rishte ko nibhakar dekho. Agar baat na bane toh 6 mahine baad tum alag ho hi sakte ho.
KARISHMA: Hmm.

Kuchh der aur baat karke KARISHMA aur kaki ne sath milkar dinner banaya. Iske baad sabne dinner kiya aur sab sone chale gye.

Agle din sabne breakfast kiya aur ready ho gye. HASEENA ne sara saman gaadiyon me rakha. Iske baad sabne Kaka aur Kaki se vida li. Jane se pehle KARISHMA ne kaki ke pair chhue toh kaki ne KARISHMA ko gale laga liya.
Kaki: Bitiya maine jo kaha tha uss par ek baar vichaar jaroor karna.
KARISHMA: Ji kaki.

Gaon se vapas jate hue KARISHMA ko thoda bura lag raha tha. Raste me sabne ek restaurant par lunch kiya. Shehar pahunchte hue unhe raat ho gyi thi. Isliye sabne bahar hi ek restaurant me dinner kiya. Sabhi thake hue gahr pahunche aur aate hi apne kamro me sobe chale gye. KARISHMA ne HASEENA ko bed pe hi so jane ko kaha. Hamesha ki tarah HASEENA ne bich me takiya ki deewar banayi aur dono so gye.

Lijiye friends aaj ka part yhi khatam hota hai. Ek aur baat aap sabhi ne bola tha HASEENA aur KARISHMA ko apna pyaar realise kab hoga. So yeh toh main abhi nhi btaungi par kuchh hints dete hai aap sab ko.
1) HASEENA ko pehle realise hoga apne pyaar ke bare me aur KARISHMA ko baad me.
2) Agle 5 ya 6 me dono ko realise bhi ho jayega aur dono proposal ki taiyari karenge.

Abhi bas itna hi. Bye friends.