Dosti🤝 Ka Saaya - Pyaar❤❤

CHAPTER 41 💖

Hii friends. Chaliye aaj ka part shuru karte hai.

CHEETAH KARISHMA ko innocent prove kar deta hai. Iske baad teeno HASEENA ke ghar chale jate hai. Raste me HASEENA ko ghar se call aata hai. HASEENA ghar me bata dete hai ki voh log ghar aa rahe hai. Teeno ghar pahunchte hai aur dekhte hai ki Noor Ji aarti ki thaali lekar gate par khadi hai.
HASEENA: Iss sabki kya zaroorat hai ammi.
Noor Ji: Jaroorat kaise nhi hai. Mere dono bachhe museebat ko harakar aaye hai.
HASEENA: Toh KARISHMA ki aarti kijiye ammi. Iss baar KARISHMA ne hi meri jaan bachayi hai.

Iske baad Noor Ji KARISHMA aur HASEENA ki aarti karti hai. Aarti ke baad HASEENA aur KARISHMA andar jane lage. Noor Ji ne CHEETAH ko bhi andar aane ko kaha. CHEETAH bhi HASEENA aur KARISHMA ke sath andar aa gya. Ghar me aakar HASEENA KARISHMA aur CHEETAH ne dadi ke pair chhue aur mandir me hath bhi jode. Iske baad Noor Ji sabke liye chai banane chali gyi. Baki sabhi hall me aakar baith gye aur baat karne lage.

Sabhi KARISHMA ki tareef kar rahe the ki kaise usne Iss museebat ka samna kiya. Sath hi sab CHEETAH ki bhi tareef kar rahe the ki kaise usne bahut kam samay me KARISHMA ko innocent prove kar diya. Tabhi SANTOSH sabke liye chai lekar aa gyi. SANTOSH ko dekhkar CHEETAH ke face pe ek smile aa gyi. SANTOSH ne sabko chai di aur kitchen me jaakar Noor Ji ki help karne lagi.

Kuchh der baad KARISHMA room me fresh hone chali gyi. KARISHMA ke aane ke baad HASEENA bhi fresh hone chale jate hai. Kuchh der me hi HASEENA bhi change karke aa jate hai. Noor Ji sabko dinner ke liye bulati hai. Aaj Noor Ji aur SANTOSH sabko khana serve kar rahe the. Idhar CHEETAH baar baar nazrein chura kar SANTOSH ko dekh raha tha. CHEETAH ko baar baar apni taraf dekhta dekh SANTOSH usse irritate hone lagti hai.

SANTOSH(to CHEETAH): Khane pe dhyan dijiye. Thanda ho raha hai.
CHEETAH: Ji ji kha raha hu.
Noor Ji: Sabke liye kheer banayi hai. Taste karke batao.
CHEETAH beta tum bhi taste karo.
CHEETAH: Ji aunty.

Iske baad sabhi kheer khate hai. Sabhi kheer ki tareef karte hai toh Noor Ji batati hai ki aaj ki kheer SANTOSH ne banayi thi. SANTOSH ka naam sunkar CHEETAH SANTOSH ko chhidhane ke liye Noor Ji se bola, Aunty kheer toh theek hai par meetha thoda kam hai. CHEETAH ki baat sunkar SANTOSH muh fulakar baith jati hai. SANTOSH ko yun gussa hota dekhkar CHEETAH ko man hi man hasi aa jati hai.

Khana khane ke kuchh der baad CHEETAH apne ghar jane lagta hai. Jate jate CHEETAH ek baar SANTOSH ki taraf dekhta hai aur muskurate hue apne ghar ke liye nikal jata hai. Iske baad baki sabhi bhi apne apne kamre me chale jate hai. HASEENA aur KARISHMA bhi apne room me chale jate hai.

Kamre me jaakar KARISHMA HASEENA ki dawai dhundne lagti hai. Tabhi HASEENA ne use roka aur uska hath pakadkar use bed pe bitha diya. Ab HASEENA ne ek drawer me se first aid kit nikala aur KARISHMA ke samne zameen pe baith gye.
KARISHMA: HASEENA yeh kya kar rahe ho?? Mujhe tumhari dawaiyan dhundne do.
HASEENA: Meri dawai yhi hai drawer me. Abhi yahan shanti se baitho.
KARISHMA: Par HASEENA yeh kya kar rahe ho??

Tabhi HASEENA KARISHMA ka left pair apne hath me pakadne hai aur uski jeans ko thoda upar karte hai. KARISHMA ke pair pe chot ka nishaan tha jo neela pad gya tha. KARISHMA ki chot dekhkar HASEENA ka dil bhar aaya. Iske baad HASEENA ne KARISHMA ki sari chot pe dawai lagai aur use aaram karne ko kaha. KARISHMA bhi HASEENA ki baat mankar bed par let gyi. HASEENA ne bhi apni medicines li aur bed pe let gye.

KARISHMA: HASEENA mujhe laga tha ki ab meri baki ki zindagi jail me kategi.
HASEENA: Achhe logon ke sath kabhi bura nhi hota. Chalo isi bahane tumhari shooting skill toh pta chali.
KARISHMA: Tumne hi toh sikhai thi mele me.
HASEENA: Ha mujhe yaad hai.
KARISHMA: Vaise mujhe ek baat samajh nhi aayi.
HASEENA: Konsi baat??
KARISHMA: Yhi ki jisne bhi goli chalayi voh hume fasana chahta tha ya bachana?? Yeh goli usne hume fasane ke liye ya bachane ke liye??
HASEENA: Yeh pta lagana police ka kam hai KARISHMA.
KARISHMA: Acha vaise yeh police tumne kab bulayi?? Mujhe toh pta bhi nhi chala ki yeh kab hua??
HASEENA: Jab voh BHEEMA tumhe kheench kar le jaa raha tha tabhi maine police ko call kar di thi.
KARISHMA: Ohh aisa hua tha.
HASEENA: Haa chalo ab so jao. Raat bhi ho gyi hai.