Dosti🤝 Ka Saaya - Pyaar❤❤

CHAPTER 26 💙

Hii friends. Chaliye aaj ka part shuru karte hain.

HASEENA aur KARISHMA dono hi camping area me nhi the. Sabhi students unke liye pareshaan ho rahe the. RAHUL aur DIVYA ko toh bahut jyada dar lag raha tha. Dono baar baar HASEENA aur KARISHMA ki safety ke liye pray kar rahe the.

Yahan HASEENA ko dhundte dhundte KARISHMA kafi dur aa gyi aur rasta bhatak gyi thi. Ek taraf andhera aur dusri taraf junglee jaanwar. Ab KARISHMA ko dar lagne laga. Usne bahut koshish ki par na toh use HASEENA mili aur na hi camping area ka rasta. Thakan ki wajah se KARISHMA ek ped ke niche baith gyi. Tabhi barish bhi shuru ho gyi thi.

Tabhi use kisi ke aas paas hone ka ehsaas hua. KARISHMA dar ki wajah se chillane hi wali thi ki uske muh pe kisi ne apna hath rakh diya. KARISHMA ne aankhein kholi toh use apne samne HASEENA ka face dikhai diya. HASEENA ko dekhte hi voh uske gale lag gyi aur dar ki wajah se rone lagi. HASEENA ne use chup karane ki koshish ki koshish ki par KARISHMA bas roye jaa rahi thi.

HASEENA: Shant ho jao KARISHMA. Daro mat. Main hu tumhare sath.
KARISHMA: 😭
HASEENA: Acha yeh batao tum yahan kaise aayi??
KARISHMA: Tum camp me nhi the. Tumhe dhundte dhundte hi main yahan aa gyi. Ab rasta bhi nhi mil raha hai.
HASEENA: Hum kuchh jyada hi dur aa gye hai. Chalo kahin aur chalte hain. Pedon pe sabse pehle bijlee girti hai.

Iske baad HASEENA aur KARISHMA jungle me koi safe jagah dhundne lage. Andhere me chalte hue ek jagah par achanak se KARISHMA ka pair fisla aur uske pair me moch aa gyi. Tabhi HASEENA ek kandhe pe jhadiyon se ek gehri kharonch aa gyi par HASEENA ne kuchh nhi kaha.

Tabhi HASEENA ko ek jhopdi dikhai di. Usne KARISHMA ko apni god me uthaya aur dono jhopdi me aa gye. Dono ko hi bahut thand lag rahi thi. Unhone dekha ko jhopdi me ek kone me kuchh lakdiyan ghaas aur ek machis rakhi thi. HASEENA ne lakdiyon aur ghaas se aag jalayi.

Aag ki roshni me HASEENA ne dekha ki KARISHMA ka top uske  kandhe ke paas se phat gya tha aur uske baki kapde pure gile the.
HASEENA ne jaldi se apni shirt utari aur KARISHMA se change kar lene ko kaha. KARISHMA ko shirt dekar HASEENA ne darwaje ki taraf muh fer liya. KARISHMA ne apne kapde utarkar HASEENA ki shirt pehen li jo uske ghutno tak aa rahi thi.

KARISHMA ne kapde change kiye hi the ki voh ekdum se chillayi. KARISHMA ki cheekh sunkar HASEENA me pichhe mudkar dekha ki KARISHMA apne pairon ki taraf dekhkar dar rahi thi. KARISHMA ke pair pe ek jonk chipak gyi thi.
KARISHMA: HASEENA please hatao ise.

HASEENA ne ek garam lakdi uthai aur KARISHMA ki taraf aage badhe.
KARISHMA: HASEENA kya kar rahe ho. Mera pair jal jaayega.
HASEENA: KARISHMA aaram se khadi raho. Kuchh nhi hoga.

HASEENA ne garam lakdi ki madad se jonk ko hata diya. Jonk ke hatne ke baad KARISHMA ne chain ki saans li. Iske baad HASEENA ne KARISHMA ka pair twist karke uski moch theek kar di. Dono vahin baith gye. Tabhi KARISHMA ne notice kiya ki HASEENA ka tank top pichhe se laal ho gyi thi.

KARISHMA ne HASEENA se pichhe mudne ko kaha tab use HASEENA ki chot dikhai di. Usne apne top kk barish ke pani me bhigakar HASEENA ki chot saaf ki aur apna rumal HASEENA ki chot par rakh diya. HASEENA ki chot dekhkar KARISHMA ki aankhon se aansoo behne lage.

HASEENA: Are KARISHMA please ro mat. Kuchh nhi hua hai.
KARISHMA: Ha dikh raha hai😠. Kitna khoon beh gaya hai🥺.
HASEENA: Are sach me kuchh nhi hua hai.

Itna kehkar HASEENA uske aansoo pochhne lagi.
KARISHMA: Dur raho. Main jaa rahi hu yahan se. Mujhse dur rekhar tum mushkilon se bhi dur rahoge.
HASEENA: KARISHMA please bahar mat jao. Aage se aisa kabhi nhi hoga.
HASEENA ko maafi mangte hue dekhkar KARISHMA ka sabr tut gya aur voh HASEENA ke gale lagkar rone lagi.

KARISHMA: Please HASEENA please apna khayal rakha karo. Mummy aur MAYUR ko khone ke baad mujhe hamesha dar laga rehta hai. Ab toh mere paas tumhari family bhi hai. Ab main kisi aur ko khona nhi chahti. HASEENA ne KARISHMA ko shant karne ki bahut koshish ki par uski har koshish bekar ho gyi.

Ab HASEENA ko kuchh bhi samajh nhi aa raha tha. Tab usne KARISHMA ka chehra apne hathon me thaam liya aur uski aankhon pe apne pyar ke nishaani rakh di. Dono hi ek dusre me khoye hue ek dusre ke karib jane lage. Dono ke hoth aapas me milte usse pehle hi jor se bijlee kadki. Biljlee girne ki aawaj se dono ko hosh aaya.

Hosh me aane ke baad dono hi ek dusre se nazre nhi mila paa rahe the. HASEENA aur KARISHMA yuhi aag ke paas let gye. Dono ke man me baar baar ek hi sawal uth raha tha ki kya voh dono ek dusre se pyar karne lage hai. Tabhi HASEENA ke man me ek shayari ne janm liya.

"MUJHE TUMHARE KHAYAL SE ISHQ HAI
GUSSE ME LAAL TUMHARE GAAL SE ISHQ HAI
BEMATLAB KE JO TUM KARTI HO USS SAWAL SE ISHQ HAI
TUM EK KHUBSURAT SA BAWAL HO AUR MUJHE ISS BAWAL SE ISHQ HAI....."

Yahan DIVYA aur RAHUL ki puri raat dar ke saaye me guzri. Unhone raat me bhi dono ko bahut dhunda par barish shuru hone ke baad unhe rukna pada. Subah hote hi dono ne phir se HASEENA aur KARISHMA ko dhundna shuru kar diya.

Subah hone par HASEENA aur KARISHMA ne aag ko bujhaya aur kapde pehenne lage. KARISHMA ka top phat gya tha isliye usne HASEENA ki shirt aur apni jeans pehen li. HASEENA ne tank top pe hi apni jacket pehni aur jhopdi se bahar aa gye.

HASEENA aur KARISHMA jhopdi se bahar nikle hi the ki unhe DIVYA aur RAHUL dikhai diye. DIVYA aur RAHUL ne jaise hi unn dono ko dekha voh unke gale lag gye. DIVYA ka yun uski fikr karna KARISHMA ko acha laga aur usne bhi apne dil se sari narazgi mita kar use gale laga liya.

Yahin jab shararti RAHUL ne apnepan se  HASEENA ko gale lagaya toh use ek pal ko laga jaise MAYUR ne use gale lagaya ho. HASEENA ka dil bhar aaya aur usne bhi pure dil se RAHUL ko gale laga liya. Ab unme se kisi ke bhi man me ek dusre ke liye narazgi nhi thi.

RAHUL: Tum dono theek toh ho na😦.
HASEENA: Haa😊.
DIVYA: Thank god tum dono ek dusre ke sath the.
RAHUL: Haa🙂. Raat bhar hum bahut tension me the. Kitna dar gye the hum dono.
Tabhi RAHUL ne notice kiya ki KARISHMA ne HASEENA ki shirt pehni hui hai. HASEENA ne sirf tank top pehna hua tha aur kuchh nhi.
RAHUL: HASEENA yeh chot kaise lagi??
HASEENA: Jhadiyon se kharoch aa gyi thi.

Ab DIVYA ne apna overcoat KARISHMA ko pehna diya. RAHUL ne bhi HASEENA ko jabardasti apni jacket pehna di taki unhe aise dekhkar baki sab unke bare me galat na soche. Uske baad charo camp me chale gye. Vahan jaakar RAHUL ne KARISHMA ko ek first aid box diya aur KARISHMA ne HASEENA ki first aid ki.

Din me sabhi students kuchh jagahon pe ghume aur agle din vapas aane ke liye nikal gye. Vapas jate samay sabke paas nayi yaadein aur naye ehsaas the. Jahan ek taraf KARISHMA ke dil me HASEENA ke liye pyar jagne laga tha toh dusri taraf HASEENA ki feelings bhi badal rahi thi. Ek taraf RAHUL ka DIVYA ke liye pyar badh raha tha toh dusri taraf DIVYA bhi RAHUL ke karib aa gyi thi. Apne apne ehsaason ko mehsus karte hue sab apne gharon ko laut gye.

Aaj ke liye itna hi. Hamari story Dosti 🤝Ka Saaya - Pyaar ❤️❤️ pe 1k votes pure ho chuke hain. Isliye baki do stories ke part bhi aayenge. Thanks a lot guys for your love and support. Bye👋.