Dosti🤝 Ka Saaya - Pyaar❤❤

CHAPTER 47 🩵

Hii friends. Chaliye aaj ka part shuru karte hai. Sorry friends mujhe nhi part kaise delete ho gya. Maine bhi abhi hi dekha aur dobara update kar diya.

Agle din sabhi sath me baith kar breakfast kar rahe the. Baki sab toh breakfast kar rahe the par KARISHMA kisi aur hi duniya me khoyi hui thi.
Dadi: KARISHMA kya hua beta?? Khana khaao.
KARISHMA: Ji dadi.
KARISHMA: Uncle main aapse kuchh kehna chahti hu.
Ashraf Ji: Haa beta bolo.
KARISHMA: Uncle main kuchh dino ke liye apne ghar jaana chahti hu.
Ashraf Ji: Dekho beta tumhari tabiyat abhi puri tarah se theek nhi hai. Hum kaise tumhe akele jane de.
KARISHMA: Bahut time ho gya hai mujhe apne ghar gye hue aur aage kya hoga yeh bhi mujhe pta nhi hai.

KARISHMA ki baat sunkar Ashraf Ji HASEENA ki taraf dekhne lage. HASEENA ne bhi haa me sir hila diya. Ashraf Ji ne kuchh socha aur bole.
Ashraf Ji: Theek hai beta par meri ek shart hai.
KARISHMA: Jii uncle kahiye.
Ashraf Ji: Tum apne ghar akeli nhi jaaogi. KAMLI bhi tumhare sath jaayegi.
Dadi: Haa beta yeh baat toh tumhe manni padegi varna main tumhe jane nhi dungi.
Noor Ji: Haa KARISHMA KAMLI lo apne sath le jaao.

HASEENA ki family ka uske liye pyaar dekhkar KARISHMA ki aankhein bhar aayi. Ghar me koi bhi KARISHMA ke jane se khush nhi tha par kisi ne KARISHMA ko nhi kaha. Iske baad sabhi ne breakfast kiya. Breakfast karne ke baad sabhi apne room me chale gye. HASEENA aur KARISHMA bhi room me chale gye. Room me jaakr KARISHMA apna jaroori saman pack karne lagi. HASEENA ne jab KARISHMA ko packing karte hue dekha toh use thoda bura laga.

HASEENA: KARISHMA aaj hi jaa rahi ho. MAYUR ke aane tak toh ruk jaao.
KARISHMA: MAYUR toh aaj hi jaa raha hai na. Kuchh der pehle jaa rahi hu bas.
HASEENA: Theek hai. Jaisi tumhari marji.
KARISHMA (in mind): Kaise batau HASEENA?? Bahut pyar karti hu tumse. Tumhare aur ROSHINI ke liye khush bhi hu aur dukhi bhi ki mere dil me tum ho par kismat me nhi ho.

Tabhi HASEENA ke phone pe call aane lagta hai. HASEENA dekhte hai ki office se call tha. HASEENA balcony me jaakar baat karte hai. Office me ek urgent meeting aa gyi thi jisme HASEENA ka hona jaroori tha. Call cut karne ke baad HASEENA jaldi se office ke liye nikal jate hai. Kuchh der baad KARISHMA aur KAMLI bhi KARISHMA ke ghar chale jate hai. Kuchh der baad KARISHMA ke phone pe bhi MAYUR ka call aata hai. MAYUR KARISHMA ko ek cafe ka address deta hai. KARISHMA bhi cafe ke liye nikal jati hai. Kuchh der baad KARISHMA cafe pahuch gye jahan MAYUR uska intezaar kar raha tha. MAYUR aur KARISHMA dono ek dusre ko hug karte hai aur apni seat pe baith jate hai. MAYUR aur KARISHMA coffee pite hue baat karne lagte hai.

MAYUR: Aage ka kya plan hai KARISHMA. Kab shaadi kar rahi ho HASEENA se??
KARISHMA: Aisa kuchh nhi hai MAYUR. Acha tumne uss din kaha tha ki tumhe kisi aur se pyaar ho gya hai.
MAYUR: Tumhare confession se pehle hi ek din main theek hokar vapas aa raha tha. Uss din jab main drive kar raha tha toh achanak se ek ladki meri car ke aage aa gyi thi. Main jaldi se uss ladki ko hospital le gya. Treatment ke baad doctor ne mujhe bataya ki uss ladki ka rape hua tha. Yeh sab jaankar mujhe bahut dukh hua. Doctor ne kaha ki city ke change hone se vo jaldi theek ho sakti hai. Isliye main use Delhi le gya ek rented flat me.

KARISHMA: Kya 🙁??
MAYUR: Uski counselling hone ke baad use mujhpar thoda bharosa hua toh usne mujhe bataya ki uske mom dad aur bhai ki death ho chuki hai. 3 mahine baad vo almost theek ho chuki thi. Ek din usne mujhse puchha ki kya main kisi se pyaar karta hu. Iske baad maine use humare aur HASEENA ke bare me sab kuchh bataya. Uske baad uss raat usne suicide karne ki koshish ki. Jab maine usse iski wajah puchhi toh usne bataya ki voh VIRAJ ki behen hai.

KARISHMA: VIRAJ ki behen?
MAYUR: Hmm. Usne bataya ki uske bhai aur mom ne suicide kiya tha. Iske baad VIRAJ ke goons ne uske dad ko maar dala aur uske sath voh galat kaam kiya. Usne kaha ki use khud se nafrat ho rahi hai ki uske bhai ki wajah se hum sabke sath kitna galat hua. Sach jaanne ke baad maine police complaint ki aur sabhi goons ko saja dilwayi. Uske sath rehte hue mujhe bhi usse pyaar ho gya. Use toh mujhse pehli nazar me hi pyar ho gya tha. Iss sab ke kuchh din baad main vapas aa gya. Vapas aakar main HASEENA aur tumhe uske bare me batana chahta tha. Tumhare proposal ke baad main tumhe ghar toh le aaya par tumhe sach batana chahta tha.