Dosti🤝 Ka Saaya - Pyaar❤❤

CHAPTER 29 😌

Hii friends. Chaliye aaj ka part shuru karte hai.

Agle din subah uthkar sabne nashta kiya. Kuchh der baad KARISHMA garden me lage phool aur ped paudhe dekhne lagi. Tabhi KARISHMA ko ek kone me ek kuan dikhai diya. KARISHMA kuan dekhkar bahut khush hui aur kuen se pani nikalne ki koshish karne lagi. Tabhi HASEENA aur SANTOSH vahan aa gye.
HASEENA: KARISHMA yeh tum kya kar rahi ho??
SANTOSH: Are bro dhyan se dekhiye. Yeh pani nikalne ki koshish kar rahi hai par nikal nhi paa rahi. Hai na??
KARISHMA: Voh mujhe kuen se pani nikalna nhi aata.
HASEENA: Lao. Main dikhau ki pani kaise nikala jata hai.

Iske baad HASEENA ne KARISHMA ko pani nikalkar dikhaya. HASEENA ke baad KARISHMA ne ek baar firse try kiya aur iss baar pani nikal bhi liya. Isse KARISHMA bahut khush ho gyi kyuki pehli baar usne aisa kuchh kiya tha. Vahin dur se unn dono ko dekhkar dadi aur Jamuna Kaki muskura rahi thi.
Jamuna Kaki: Kitni sundar jodi hai na maa ji. Bhagwan inn dono ko har buri nazar se bachaye.
Dadi(kuchh sochte hue): Janti hai Jamuna, inn dono ko dekh dekhkar main nihal hui jati hu. Inn dono ki jodi hamesha bani rahe. Bas yhi mangti hu main har dua aur prarthna main.

Tabhi SANTOSH ne HASEENA ko talab par chalne ko kaha. SANTOSH ki baat sunkar KARISHMA ne bhi talab par jane ki ichha jahir ki. HASEENA ke haa kehte hi SANTOSH aur KARISHMA khushi se uchhal pade. Iske baad teeno ne dadi ko bataya aur talab ki taraf chal diye. Raste me SANTOSH apne aur HASEENA ke bachpan ki baatein KARISHMA ko bta rahi thi. Tabhi gaon ka hi ek ladka jo HASEENA se lagbhag 1-2 saal bada hoga, HASEENA ke paas aaya aur uske gale lag gya.

Boy: HASEENA kaise ho?? Bade din baad gaon aaye ho. Suna hai shaadi kar li.
HASEENA: Main theek hu. Tum kaise ho SANDEEP??
SANDEEP: Main badhiya hu yrr. Bhabhi Ji kahan hai??
HASEENA(KARISHMA ki taraf ishara karte hue): Yeh hai KARISHMA.
SANTOSH: Yeh SANDEEP bhai. Bro ke bachpan ke dost. Namaste bhai.
SANDEEP: Namaste. Namaste 🙏 Bhabhi.
KARISHMA: Namaste🙏.
SANDEEP(HASEENA se): Kahan jaa raha hai bhabhi aur chhu
chhutki ko lekar??
HASEENA: Bas talab tak hi jaa rahe hai.
SANDEEP: Yeh toh bahut achhi baat hai. Main bhi vahin jaa raha tha.

[Jisko bhi SANDEEP yaad na ho voh CHARACTERS me jaakar dekhe.]

Iske baad sab ek sath talab ki taraf jane lage. Raste me SANDEEP KARISHMA ko apne aur HASEENA ke bachpan ki baatein bta raha tha. Kuchh der baad sab talab par pahunch gye.
SANDEEP: Pta hai bhabhi ji hum sabhi dost garmi me isi talab me nahate hai. HASEENA pehle toh bahut acha swimmer tha. Ab kahin bhool na gya ho.
HASEENA: Oye mujhe ab bhi achhe se swimming aati hai.
SANDEEP: Acha aisa hai toh ek dubki ho jaaye.
HASEENA: Haa theek hai.
KARISHMA: Aap dono swimming kijiye. Main aur SANTOSH yahin hai.

Iske baad HASEENA aur SANDEEP talab me utar gye. KARISHMA aur SANTOSH vahin ek bargad ke ped ke niche baith gye. Tabhi unhone notice kiya ki vahan teen ladkiyan baithkar kuchh baat kar rahi thi.
Girl1: Are tumne SANDEEP ke sath ghum rahe uss ladke ko dekha. Kya tarasha hua jism tha uska.
Girl2: Ha yr bilkul hero type. Main toh ghar me bol dungi, shaadi karungi toh iss ladke se varna nhi karungi.
Girl3: Pehle apni shakal toh dekh le. Badi aayi shaadi karne wali. Uski jodi toh mere saath jamegi.

Teeno ladkiyan isi tarah behes kar rahi thi. SANTOSH aur KARISHMA unki baatein sun rahe the. Unki baat se SANTOSH ko pta chal gya tha ki voh HASEENA ke bare me baat kar rahi thi. Tabhi SANTOSH unn ladkiyon ke paas gyi.
SANTOSH: Ruk jaao deviyon🤦. Tum teeno jiske liye lad rahi ho na, voh pehle se shaadishuda hai.
Girls: Kyaaa.....🤯??
SANTOSH: Haa🤭.
Girl1: Kaun hai voh kalmuhi jisko usne pasand kar liya😠??
SANTOSH(KARISHMA ki taraf ishara karte hue): Yeh hai unki biwi. Pehle dekh lo dhyan se, phir batao kalmuhi voh hai ya tum😒.

Jab unn ladkiyon ne KARISHMA ko dekha toh uski sadgi aur sundarta dekh kar hairaan ho gyi.
Girl2(Girl1 se): Yeh toh kahin se kalmuhi na lag rahi, ulta hum hi iske aage....
Girl3: Chup kar.
Girls: Hum toh bas mazak kar rahe the. Hum jate hai.

Itna kehkar voh ladkiyan jaldi se vahan se chali gyi. Kuchh der baad KARISHMA aur SANTOSH talab ke paas aa gye par unhe SANDEEP aur HASEENA me se koi nhi dikha. KARISHMA aur SANTOSH HASEENA aur SANDEEP ko dhundne lage. Tabhi SANDEEP pani ke andar se bahar nikla. Uske kuchh palon baad HASEENA bhi pani ke andar se bahar aa gye. Iske baad HASEENA aur SANDEEP bahar aa gye. Tabhi vahan par 3-4 ladke aur aa gye jo HASEENA ke dost the. Sabne HASEENA ka haal chaal puchha aur KARISHMA ko namaste kaha.

Iske baad sabhi milkar HASEENA se shaadi ki party mangne lage. Kafi mana karne ke baad bhi HASEENA ko manni hi padi. HASEENA ne unhe shaam ko gaon ke hi ek dhabe par milne ko bol diya. Iske baad sab apne apne ghar chale gye. Isi tarah pura din beet gya. Raat ko HASEENA ke alawa sabne dinner kar liya. Dinner ke baad HASEENA KARISHMA ko btakar apne doston ke paas chale gye.

Aaj ke liye itna hi friends. Jaldi milenge. Tab tak ke liye Bye.