Dosti🤝 Ka Saaya - Pyaar❤❤

CHAPTER 20 🤝

Sorry friends. I know maine kal update dene ke liye bola tha but kal kuchh urgent kaam se bahut travel karna pada. Isliye kal update nhi aaya. Chaliye uss part ko vahin se continue karte hai.

Uske kaano me baar DIVYA ki kahi baat gunj rahi thi. Tabhi voh khud se hi sawal karne lagi.
HASEENA: Kya sach me mujhe KARISHMA se pyar ho gya hai??
KARISHMA: Haa..........

KARISHMA ki awaj sunkar HASEENA ekdum sunn ho gyi thi. Usne darte hue hi pichhe mudkar dekha toh KARISHMA phone pe baat kar rahi thi. KARISHMA ko phone pe baat karte hue dekhkar HASEENA ne ek gehri saans li. KARISHMA call cut karke HASEENA ke paas aa gyi.
KARISHMA: HASEENA chalo. Ammi ne kaha hai ki market se sabji lekar aani hai
HASEENA: Theek hai chalo.

Iske baad dono market chale gye. Sabji kharidne ke time KARISHMA mol bhav kar rahi thi par sabji wala price kam karne ko taiyaar nhi tha. Ab dono ki bahas sunte sunte HASEENA pareshaan ho gyi thi.
HASEENA: Bas karo na KARISHMA. Bhai aap batao kitna hua??
Sabji wala: 380 hote hai par aapki madam 350 se upar nhi de rahi hai.
KARISHMA: Are 350 hi toh hote hai. Sabji dekho pehle apni, yeh aaloo itne chhote hai inhe kahye ya inse kanche khele. Tamatar bhi laal nhi hai aur kheere dekho jaise amoeba paramecium. Ek bhi sabji dhang ki nhi hai.

KARISHMA ki baat sunkar HASEENA ki hasee chhut gyi aur sabji wala wala KARISHMA ko shock hokar dekh raha tha.
Sabji wala(to HASEENA): Yeh kya pehli baar sabji dekh rahi hai.
HASEENA: Bhai yeh bahut thok pitkar saman leti hai.
Sabji wala: Phir toh aapki kismat bahut acchi hai jo inhone aapko pasand kar liya.
KARISHMA: Ho gya aap dono ka. Ab bataiye 350 me de rahe ho ya nhi.
Sabji wala: Le lijiye madam.

Iske baad HASEENA ne sabji wale ko paise dekar sabji le li. Unn dono ne kuchh fruits bhi liye aur ghar aa gye. Ghar aakar KARISHMA ne dadi ko fruits kat kar diye aur kitchen me Noor ji ki help karne lagi. Vahin hall me baithkar SANTOSH aur dadi aapas me baat kar rahe the.

SANTOSH: Dadi shaadi ke baad bro aur bhabhi ko kahin ghumne ka mauka hi nhi mila.
Dadi: Honeymoon.
SANTOSH: Honeymoon nhi dadi. Kyu na hum sabhi kahin ghumne chale. Family trip pe.
Dadi: Theek hai phir. Gaon chalte hai. Vahan inse kuldevi je mandir me pooja bhi karwani hai aur purani dargah bhi bhejna hai.
SANTOSH: Bahut achha idea hai Dadi.

Raat ko Dinner karte hue Dadi ne Ashraf Ji se sardi ki chhuti me gaon chalne ko kaha. Sabhi ne haa kaha toh unhone 1 hafte baad jane ka plan kiya kyuki 1 hafte baad SANTOSH KARISHMA aur HASEENA ke college ki chhuti hone wali thi.

Dinner ke baad sab sone chale gye. KARISHMA ne kabhi gaon nhi dekha tha isliye voh HASEENA se gaon ke bare me janna chahti thi.
KARISHMA: HASEENA gaon me kya kya hota hai? Main toh hamesha shehar me hi rahi hu. Maine kabhi gaon nhi dekha please mujhe gaon ke bare me batao na.
HASEENA: Gaon me kafi shanti hoti hai. Pollution bhi kam hota hai. Vahan itni gaadiyan nhi hoti.
KARISHMA: Acha. Tumhare gaon me kya kya hai??
HASEENA: Humare gaon me hamara ek ghar hai. Hamare kuchh khet bhi jispe gaon ke log kheti karte hai.

KARISHMA gaon me bare me sunkar achha lag raha tha. KARISHMA toh khayalo me HASEENA ke gaon ghumne bhi lagi thi.
KARISHMA: Aur kya kya hai vahan?
HASEENA: Ek kuan hai. Talab bhi hai. Jab jaaogi tab dekh lena.
KARISHMA: Sachhi. Main toh bahut excited hu tumhare gaon jane ke liye. Kitna maja aayega na?
HASEENA: Haa bahut maja aayega par abhi so jao. Bahut raat ho gyi hai aur kal college bhi jana hai.
KARISHMA: Theek hai. Good night HASEENA.
HASEENA: Good night.

Gaon ke khayalon me khoye hue KARISHMA jaldi hi so gyi.

Agle din college jane ke baad DIVYA ne RAHUL se ek cafe me chalne ke liye kaha.
RAHUL: Kaho DIVYA tumne mujhe yahan aane ko kyu kaha?
DIVYA: I am sorry RAHUL. Uss din party me jo bhi hua uske liye aur uss din tumse uss tarah se baat karne ke liye maaf kar do.
RAHUL: Koi baat nhi. Maine tumhe maaf kar diya.
DIVYA: Mujhe tumhe kuchh batana bhi hai. Yeh janne ke baad shayad tum mujhse nafrat karo par main tumse jhoot nhi bolna chahti.

RAHUL: Tum kya kehna chahti ho DIVYA?
DIVYA: Uss raat party me jo kuchh bhi hua voh sab maine hi kiya tha. Sari planning maine hi ki thi HASEENA ko apna banane ke liye.
RAHUL: Kyaa??
DIVYA: Haa.

Uske baad DIVYA ne RAHUL ko sab kuchh sach bta diya.
RAHUL: Tumne galat kiya DIVYA. Bahut galat. Iske liye tumhe mujhse nhi HASEENA aur KARISHMA se maafi mangni chahiye.
DIVYA: Maine HASEENA se maafi maang li hai. Ab mujhe samajh aa gya hai ki HASEENA se mujhe sirf attraction tha. Pyar toh HASEENA ke man me hai KARISHMA ke liye jise voh bina jataye nibha rahi hai.
RAHUL: Kyaa sach me?? HASEENA ko KARISHMA se pyar hai??
DIVYA: Haa aur shayad KARISHMA bhi HASEENA se pyar karti ho.

Iske baad DIVYA ne RAHUL ko HASEENA KARISHMA aur MAYUR ke bare me sab kuchh bta diya.
RAHUL: Kitni ajeeb kismat hai inki?par hum kar bhi kya sakte hai??
DIVYA: Ehsaas. Main unhe ehsaas dilaungi ki dono ek dusre se kitna pyar karte hai.
RAHUL: Kya yeh sahi rahega?
DIVYA: Kisi ko uske pyar ka ehsaas dilana galat kaise ho sakta hai? Tum yeh batao meri help karoge ya nhi??
RAHUL: Theek hai.
DIVYA: Friends??

RAHUL: Friends.🤝

So friends kya lagta hai aapko?
Kya KARISHMA HASEENA se pyar karti hai?
Kya RAHUL aur DIVYA HASEENA ko uske pyar ka ehsaas dilwa paayenge??
Yeh pta chalega aage ki story me. Aage padhne ke liye vote kijiye comment kijiye aur wait kijiye kal tak. Tab tak ke liye Bye friends.