ي / الاستراحه الي نكعد بيها شنو اكو مقابيلها
/ عمارة حجي صالح
ورث جكاره وكمل كلام
علي/ وشنو اكو جوه العماره
/ محلات ذهب بشنو تفكر علي
نفخ دخان وفرك لحيته ومبين خايف ومتوتر
علي / نسطي عليهن
/ شنوو صدك تحجي يمعوود
علي / لج اششش فضحتينه صووتج غبيه ركزي وياي لتصيرين جبانه
/ علي انت ليش عندك كلشي سهل وعادي انت الي ركز وياي هاي المحلات اكو يمهن امن دتفهم انت لو لا
علي / اعرف تره ومراقبهن صار فتره ببالي السالفه باعي مينا اذا سطينه عليهن نعيش اني وانتي بالعلالي وننسه كلشي شفنا هنا لو حابه تبقين تحت رحمتهم
/ لا محابه علي اصلا كل ما نكبر اشيل هم خايفه اتسلمنه تسليم اهالي لابو ماهر
علي / اي هيج فكري ثقي بلله اتسلمجن خاصه ابو ماهر كل ما تكبر عنده البنت يطردها وتعالي شوفي شلون يظلن دايحات منا ومنا الگـ.....د لا يخليهن يجمعن فلوس ولا يبقيهن يمه بس اتخلص مونتهن شمرهن
/ بس الي اتكول علي صعب حيل مو شويه انت دتحجي عن محلات ذهب وبيهن امن وحراسه وكاميرات
علي / بعدني داراقب و اخطط الهن واجيت كتلج حتى تفكرين وياي روحي نامي هسه وفتحيلي عقلج وركزي بشغلج و ايااج ثمه اياج احد يحس عليج
راح مشه خطوتين و رجع تره حسن عينه كله علينه خليج حذره
راح وسديت الشباك وكعدت محتاره بعمري
الي يكوله صعب حيل والعيشه هنا صعبه
لو وحده بينه مطلعت للشغل يتولاها حسن ضرب مريضه ما مريضه ميخصه
وعلى اخر اليوم ام سلول تاخذ تعبنه على الحاضر وكل شهر اتجيبلنه عود احتياجتنه بيدها فلس احمر منشوف
حتى اكله عدله منشوف اوقات حسن يشتري لحم او دجاج ومنو يطبخه احنه منعرف حدنه انگلي
يعني لويصه لا اكله عدله لا راحه ظليت الليل كله افكر اروح ويا علي و اخاطر بروحي لو اظل تحت رحمة حسن و ام سلول
لحد ما غفيت يوم ثاني جان سبت ومنطلع بس هم كعدتنه البومه من الصبح والبنات ماكو بعدهن
كل عاده جابت فرشات الناس حتى نغسلهن اني وهدى مشكلات ايدينه ورجلينه وحيل نغسل
وهيه كاعده اتاركل وحسن يمها وهدى كل شويه خازرتني عود لان طالعات رجليه وحسن كاعد بطرانه اني بيا حال
وبنص الشغل دخلت غدير دخلتها خربطت احوالي
كعدت سلمت وتسولف وتضحك وعينها كله عليه
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
