اجه ضياء يركض ديلبس بفانيلته
شالني كعدني علي المرجوحه وصاح دجيبي مي صارت زركه
راحت كناري جابت مي جر شالي غسل وجهي ومرتبك اكثر مني وكناري واكفه تبجي
اباوع بوجوهم اريد احجي ما اكدر
جانت حصره بگلبي خانكتني لا راضيه تطلع ولا راضيه تنبلع غصه اهلي وسلام غصه بگلبي خلوو
ضياء وكناري حتي الجبه نزعوها الي
ضياء/ لج شبيج خاطر الله وكفتي گلبي مينااا بس جري نفس فدووه
كعدت كناري تمسح على ظهري وتقره ايات وكل شويه تنفخ بوجهي
صدك ارتاحيت وبده الهوى يدخل ريتي
اتنفست هيه جرت نفس وهيه صرررخه
ااااخ يا ضياء امس صحت عليك ليش ما اجيت كتلك تعال خلصني ليش ما اجيت ليش ضياء
حضني وظل يبجي
لج وربي الف مره اجيت اسئل عنج يطردوني وهددوني والله افكر بيج
ظليت اشكيله عليهم دينا بالحمام نطتني دشداشه قصيره عبالها راح انام ظليت ادلي مكانات الضرب ارفع ردن اكله شوف شسوو بيه
جنت محتاجه اشكي الي صار بيه وگلبي اخذني البيت ضياء
خلوني احجي براحتي ضياء وكف نطاني ظهره رافع فانياته يمسح دموعه بيهن واشوف اكتافه تهتز
وكناري حطت راسي بحضنها وتبجي وتبوس بيه
يا الراحه الشفتها ما شفتها بذيج القصور
كومتني امشي دخلي جوه التبريد
/ كلشي ما اريد بس اريد انام فدوه
كناري / كومي اصلا الغرفه مثل ما هيه
دخلتني للغرفه شغلت التبريد وظلمتها وطلعت
ظليت صافنه على السقف لحد ما قفلت عيوني ورحت بسابع نوومه
دخلت عليه كناري كعدتني
الدنيا ليل كومي ميصير كعدي اكلي فد لكمه
كوه كمت راسي ياذيني
بس استحيت اطلع بملابسي كلتلها جيبي دشداشه طويله
كناري / دكومي كومي انتي نزعتيها الا شويه
/ اووي سكتي لتذكريني والله فشله اكلج كنو بله شو اتقربي مني
/ شكو شبيج
/ هاي شنو بطنج فدووه لتكولين نونو
اشرتلي اي وغطت وجها
كمت حضنتها وباركتلها صدك فرحت الها خطيه
راحت جابتلي دشداشه لبستها وطلعت ضياء كاعد منتظرني هم باركتله
أنت تقرأ
اولاد الشوارع
Aksiنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
