باوعت بوجه مصطفى منتظره الاجابه
ضحك بوجهي وعاط يا هلااا بنت العم
تحرير هلهلت واجت حضنتني واني بجيت
حتى مصطفى شفته دمعت عيونه
دخل جلال اجه حضني بدون مقدمات و ويا فاتن وذيج اللحظات من حضن الحضن وتغدينه سوه حتى متغدينه الفرحه جانت طاغيه علينه اني بين اخواني وهذا ابن عمي الي جنت احفرله واريد افضحه
الدنيا مسايعتني
تحرير / يلا حلوو يمته انوديها للبيت امي لحد هسه متدري
جلال / اتحمحم وعدل كعدته شوفو هيه شويه صعبه يعني اني ومصطفى انريد انمهد الهم قبل لناخذها
مصطفى / يعني كل عقلج ماخذين هالگمر ويانا ونكللهم هاي بنتكم الي ضايعه اكثر من 15 سنه
فاتن / لعد شلون اني متحمل يوم واحد بعيده عنها والله
حضنتني وبجن اني هم بجيت
/ بربكم كل هاي العمر وتردوني انتضر بعد
جلال / اي مينا واصلا انريدج شاهد لان القينه القبض علي ابو ماهر وجلاوزته بس مياده مسافره للخارج للاسف
فزيت فرحانه
/ صدك والله يعني خلصتو العالم من شره
كعد يسولف شلون وكيف وتفاصيل اهواي المهم نتيجتهن ابو ماهر بالسجن
لازمين غيداء بس غدير للاسف هم شارده
واحنه البقيه طلبونه شهود
اني زيد ضياء ورشا مختفيه بس هدى موجوده
كال اسبوع الي يجي ترحين للمحكمه
تحرير نزلتني للمول وشترتلي ملابس اشكال
خواتي دخلني دورات لبس مكياج
عبالك حلم وخايفه اكعد منه واشوف نفسي ببيت ام سلوان
ومر الاسبوع واليوم يوم المحكمه
تحرير طلعتلي ملابس فستان وحذاء عالي ولفت الشال باحدث موديلات
گلبي اذاني من دخلت وخايفه
دخلنه بتحقيق سري يعني بدون صحافه لان ابو ماهر ورا ناس كبار والمحكمه جانت جنائيه لان مخدرات وقتل واتجار بالبشر
دخلت وشفت كنو وضياء ورحت ركضت عليهم
ضياء كرص خدي / سويتيها ولج
واكفين دنضحك واجه زيد سبحان الله ولا تحرك شي اتجاها سلمت عادي سئلني عن احوالي جانت بس تحرير وياي
عرفتها عليهم شويه ودخلو جلال ومصطفى و وياهم ولد كول بعرض شكله يخوف عاگد حواجبه
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
