باوعت على مصدر الصوت
واكف مخلي عكسه على باب المطبخ واليده الثانيه بجيبه واكف على رجل وحده والثانيه ثانيها
من شفته امالي اتحطمت طاحت السجين من ايدي
هز راسه شو سكتي
/ سلام خليني اولي اذيتوني تعبت اني خليني اطلع اروح لهلي
/ اني مو كلت اذا تطلعين شاربي مو عليه اذا ما افصم ظهررج عاط حيل تكسرين كلمتي ميناااا
اجه يمي اتقرب ركضت اني الباب الصاله ملحكت جرني من شعري وشمرني بالارض وعاط ووين ولج تتحديني
/ خليني اطلع شتريد مني اكرهك واكره اهلك وانت مطايقني خليني اوولي دشوف حالي تعبت
دخلت زهره لازمه عينها وتبجي
زهره / شوف سلام شوف شسوت بعيني لعبة بحالنه لعب وكعت دينا وامال
هو من شاف عينها صدك نصدم باوع عليه
/ لج هاي شنو انتي بيج شي انتي بشر عادي
/ وازيدك كسرت راسها بسطل المي واسوي اكثر لو ما خليتوني بحالي
زهره / اي هاي كله لان تريد اتروح العرس اخوها
دينا طكتها بعكسها وخزرتها
اجه عليه مثل المخبل خمطني يريد يصعدني للغرفه
ظليت اعيط وادفع
/ والله اطلع والله ما اظل عوفني كلب حيوان هو يزيد عليه
دخلني للغرفه وشمرني بالارض راد يقفل الباب هو شايله للمفتاح ويمكن ناسي
طلع من الغرفه واني ركضت وره اريد اطلع
زهره الكلبه دفعتني مخلتني دفعتها اني وهيه وكعت ثلاث بايات ولزمت بالمحجر
وعاطت يبوووي راح تموتني
طلع من غرفتها عليه يركض
/ لج انتي اتخبلتي انجلبتي انسعررتي
نزع الحزام وضربني على رجليه ويعيط تردين اطلعين موو
فتح الشبباك وربط ايديه بالشباك ولف عليهن الحزام
/.هسه طلعي براحتج دبس خلي اشوف وين المفتاح لخلي راس الدرج حسره عليج
تعبانه جنت حيل ومهضومه رديت علي
/ والله اطلع لو تحفرلي سرداب وطمه هم اطلع من بيتكم وتشوف يا سلام
دنكت راسي اجه رفع وجهي ملخني من مقدمة شعري
وبيده الثانيه لزم شواربه
/.شوفيهن ازينهن لو طلعتي منا هذا كبرج بعد وحتي الغرفه اشيلها والا اسود عيشتج
أنت تقرأ
اولاد الشوارع
Açãoنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
