اولاد الشوارع

الخامس والثلاثون .....

دخلنه للبيت ورحمه اتلكتنه بهوسه

رحمه / وين جنتن دايحات من يمته طالعات واحنه ما ندري وين بايتات اليوم متظلن هنا طول عمرنه محد شايف خيالنه على اخر الزمن هسه اتجيبن النه السمعه الموحلوه

هذا كان كلامها وبصياح وهوسه وتهد علينه ومروه اتريد اتهديها ماكو وكانها جانت منتضره فرصه اني وكناري صافنات عليها لحد من كالت تلعبن بنص اليالي واحنه يا غافلين الكم الله

ملختها كناري واني هم هديت بيها

/ لج متستحين احنه ضيوف عندج كلها يومين ومولين منا وعسا لاشفنه هالجهره

بس كلمن يرى الناس انتي الي دتزحفين على خطيبي متستحين وتحجينها بوجهي عبالج مثلج احنه

من كلت هيج هيه زادت احتارت شنو تحجي

دخلت امها وشافت الهوسه مخابرات عليها

ام رحمه/ وين جنتن طالعات من الصباحيات

كناري / رحنه نجيب سم بدل ما انتي وبناتج تاكلون وتسدون الباب عليكم متكولون هذني ضيفات

ام رحمه / شنو وليش مو البيت متروس اكل مو عيب هالتصرفات

كناري / لا مو عيب عيب الي سويتنه انتي وبناتج بس العتب مو عليج على الي وثق بيجن وجابنه هنا

ام رحمه / ولجن تردن تهمني وطلعني بالگباحه ومالخات بتي هاي جزاتي هاي معروفي
كامت اتريد تملخ كناري اني دفعتها لو تخبلت ملختني اني وطبكن عليه هيه وبتها ومروه لازمه كناري تدفع بيها

قويات مكدر الهن اضرب ضربه يردنها بعشره
بس كدرت اعض رحمه بخدها حلفت لاشوه وجها عفت الام صبيت غضبي على رحمه

حديقتهم تراب جانت صارت عفره مال ترابه وخنگه

ما وكفنه غير صوت ضياء متصله بي مروه

دفع الباب ودخل يعيط هاي شكو

هلكني هنه من الضرب ظليت ما اكدر بعد ارفع ايدي

حسيت احد جرني من بينهن وخلاني وره

زيد / شكو هاي شصاير صدك جذب ام رحمه

ام رحمه / ولك يمه باوعلي انا وشيباتي هالزغطوطه اتمد ايدها عليه باوع شوف وجه بتي

/ واذا تعرفين انتي وشيباتج ليش محترمتي شيباتج لعد

زيد / سكتي خلي افتهم

ام رحمه / هاي شوفت عينك ما عبالك خطار اتهد وتصيح وماعاجبها العجب وانا ساكته الخاطرك وخاطر اخيك

صفنتنه اني وكناري منين الفت معرف

كناري / والله عيب مره شكبرج وعود اتصلين وتعرفين الله هيج يطلع منج